Arctic Winter Games
AWG-mi ullormi kingullermi pisussat makkuupput
Arctic Winter Games Nuummi ingerlanneqartoq naajartulerpoq. Ujaminnattaassallu kingulliit tallimanngornermi unammissutigineqassapput
Tallimanngorneq ulloq kingulliuvoq nukiit piumassuseqarnerullu kingullermeersumik atorneqarfissaat. Tassami ullumi ulloq Arctic Winter Gamesimi unammiuaarnerit ulluisa kingullersaraat.
Issittormiut unammiuaarneranni tallimanngornermi unamminissat kingulliit pinnginneranni Kalaallit Nunaat katillugit 68-inik ujaminnassimavoq, kuultinnannissanullu suli periarfissaqarpoq.
Ullumi unammissutissat makkuupput:
Issittormiut Timersuutaat:
One foot high kick aamma knuckle jump
Sisoraatinik oqilaniunneq:
Sprinterluni unamminerit
Dene Games:
Pole push
Futsal:
Finalit ingerlanneqassapput - Kalaallit holdit pingasut finaleqataassapput
Snowboard:
Cross-imik unamminerit
Biathlon:
Relay