Arctic Winter Games
AWG kajumissutsiminnik suleqataasussanik suli amigaateqarpoq
Arctic Winter Games 2016 ingerlanneqarnissaanut ullut 100-ngorput sulilu namminneq kajumissutsiminnik suleqataasussanik amigaateqartoqarpoq
Ullut 100-jut qaangiuppata Arctic Winter Games, Nuummi ingerlanneqartussaq aallartissaaq.
Ulloq manna tikillugu Nunatta oqaluttuarisaanerani aaqqissuussinermut annerpaamut inuit 1200 sinnerlutik namminneq kajumissutsiminnik suleqataaniarlutik allatsissimalerput.
Atuaruk: Kajumissutsiminnik sulisunut pikkorissartitsinermik neqeroortut
Nukiit tamarmik atorfissaqartut
- Taamaattorli suli namminneq kajumissutsimik sulisinnaasunik pisariaqartitsivugut, ilaatigut timersualaarnerit ingerlanneqarnissaannut pilersaarusioqataasinnaasunik timersualaarnerillu nalaani namminneq kajumissutsimik sulisinnaasunik. Nukiit tamavimmik atorfissaqartinneqarput, genreral manager Maliina Abelsen, tusagassiorfinnut nalunaarummi oqarpoq.
Namminneq kajumissutsiminnik sulisut allanik kajumissutsiminnik suleqataasussanik suleqatissarsiorput, GUX-mi inuusuttut ilinniartut peqataasunut sunngiffimmi sammisassaqartitsiniarput, ilinniarsimasut sillimanissamut, nerisassiornermik uffartarfissanullu tunngasunik namminneq piumassutsiminnik pilersaarusiorput.
Atuaruk: Ooqattaarinissamut AWG 2016 ikiortissarsiorpoq
Namminneq kajumissutsimik sulerusuttut januaarip 31-at 2016 ilanngullugu nalunaarsinnaapput.
Arctic Winter Games pillugu allaaserisat uani atuakkit