Arctic Winter Games
AWG: Arsaattartut pingasuiit semifinalessapput
Arctic Winter Gameseqarnerani arsaannermi nunarput sinnerlugu peqataasut tamarmik ujaminnanniuteqataassapput
Aallartinnerlioraluarluni tunniutiinnarani ingerlaqqittariaqarpoq.
Fairbanksimi Arctic Winter Gameseqarnerni arsaannermi unammersuarnermi ilikkakkat pingaarutillit taanna ilagaat. Angutit inuusuttuaqqat nukarliit unammersuarnerni aallartinnerliorput unamminerni siullerni ajorsaramik. Maannali unamminerit amerlanerit aqqusaareerlugit suleqatigiilluarnerulerlutillu arsarlualeriartuinnavipput.
Atuaruk: AWG: Pingasunngornermi kalaallit arlalinnik ujaminnapput
Angutit inuusuttuaqqat nukarliit semifinalemut anngupput sisamanngornermi Nordvestterritoriet 7-1-mik ajugaaffigigamikku. Taamaasillutik ingerlallualerput marloriarlutik ajorsariarlutik marloriarlutik ajugaangamik.
Niviarsiaqqat aamma semifinalemut annguupput Nunavut 14-1-mik pingasunngornermi ualikkut ajugaaffigerujussuaramikku maannamullu angutit inuusuttuaqqat angajulliit nunatsinneersut Alaskamut 8-1-mik ajugaallutik. Iligiit taakku nunatsinni nalunaaqutaq malillugu unnuaru nalunaaqutaq marlunut Nordvestterritoriet unammissavaat gruppemi normu 1-nngorniullutik
Arsaannermi unamminerni tallimanngornermi semifinalertoqassaaq unammersuarnerillu naggaserlugit arfininngorpat ujaminnanniuttoqassalluni.
Arctic Winter Games pillugu allaaserisat uani atuakkit