Aviisit oqartussaaqataanermut ilaapput
Tusagassiiviup Sermitsiaq.AG'p siulittaasuata Jørgen Ejbøl-ip oqartussaaqataanermut kingunerisassat mianersoqqussutigai, nunami tusagassiivikkut arlaannut attuumassuteqanngitsukkut pisortat annonceliisarneq sipaarutigippassuk
- Pisortat aviisit ataatsimoortumillu nittartagaat oqartussaaqataanermi peqatissatut annonciliiffissatullu atortanngikkunikkit akornusiissapput. Allatut ajornassappat aviisit marluusut arlaat matusariaqassaaq.
Taama isumaqarpoq Tusagassiiviup Sermitsiaq.AG'p siulersuisuisa siulittaasuat Jørgen Ejbøl, erseqqissaatigaalu nunap tusagassiiviata arlaannut attuumassuteqanngitsup inuiaqatigiinni suliassani isumagisinnaajunnaalissagai, kommunit Namminersorlutillu Oqartussat ilaatigut sulisussarsiorlutik nivinngaasarlutik tapersersunngikkunikkit. Ukiuni kingulliunerusuni aviisit pisortat annonceliinikinnerunerat peqqutigalugu koruuninik millionerpassuarnik annaasaqarsimapput. Tamatumunnga ilutigitillugu pisortat tusagassiuutinut tapiissutigisartagaat nunanut avannarlernut allanut, tusagassiuutit arlaannut attuumassuteqanngitsut pissusissamisoortumik pisariaqartutut isiginnittunut naleqqiullugu ikinneerarsuupput. Pisortat tusagassiuutillu arlaannut attuumassuteqanngitsut peqatigiinnerat pillugu AG'p Jørgen Ejbøl apersorsimavaa.
Maanna AG pisiniarfinnut tamanut ingerlavoq, aviisili qarasaasiakkut pisiarisinnaavaat, ingerlaannarlu atuarlugu.
e-aviisi ugguuna pisiariuk: