Ilinniarneq
Aviaaja Kleist Burkal pinnersaatinik ilusilersuisartutut naammassisoq
Kuultinik saffiortoq Københavnimi ukiuni pingasuni ilinniarnini naammasseqqammerpaa
Annonse
Institut for Ædelmetalimi ilinniarnini Aviaaja Kleist Burkalip naammasseqqammerpaa.
Ilinniartut soraarummeerutitut suliaat sapaatiummat Den Kongelige Afstøbssamlingimi saqqummiunneqarput.
Aviaaja Kleist Burkal kuultinik saffiortutut Italiami Østrigimilu siornatigut ilinniagaqartareerpoq. Saqqummersitai aggustip aappaata tungaanut takuniarneqarsinnaapput.
Pinnersaatinik ilusilersuisartunngorlaaq Danmarkimi 1982-mi inuuvoq, ataatsimillu ukioqarluni Nunatsinnut ilaqutariiullutik nuullutik. Anaanaa kalaaliuvoq ataataa qallunaajulluni.