Avatangiisinut sunniutinik naliliinermut nalunaarusiaq saqqummilersoq
Greenland Minerals Limitedip avatangiisinut sunniutinik naliliinermut nalunaarusiartik iluarsaanneqareersoq ullut arlaqanngitsut qaangiuppata tunniunnissaa naatsorsuutigaat. Pisortap John Mairip tamanna oqaatigaa aamma taassuma pilersaarutip eqqaaniittumut Unescop nunarsuarmiunut kingornussassatut aalajangiussaanut pitsaanngitsumik sunniuteqarnissaa ilumuunnginnerarpaa
Aviisimi Sermitsiami sapaatip-akunnerani kingullermi allaaserineqarpoq, Kuannersuarni piiaasoqalissappat tamatuma kinguneranik, taassuma eqqaaniittup Kujataata Unescop nunarsuarmiunut kingornussassanngortitaata atorunnaarsinneqarsinnaanera, NOAH-p ernumanartoqartikkaa.
Tamannali pinavianngitsoq Greenland Minerals Limitedimi (siornatigut Greenland Minerals and Energymik taaguutilimmi) pisortaq John Mair allappoq. Tamanna Sermitsiami, sapaatip akunnerani matumani saqqummersumi, allaaserineqarpoq.
Nalunaarusiaq
- Suliniutitta tamanut tusarniaassutigilernissaanut qilanaarpugut, paasissutissat annikitsualuit allat aamma ilisarinneqassammata, nassuiarneqarlutik oqaluuserineqarlutillu. Suliniummi alloriarnissat tulliuttut oqaluuseriniarlugit Namminersorlutik Oqartussanik ungasinngitsukkut ataatsimeeqateqassaagut, John Mair oqarpoq.
Greenland Minerals Limitedip VVM-imik nalunaarusiani nutartigaq oqartussanut ullut arlaqanngitsut ingerlaneranni tunniussinnaassallugu naatsorsuutigaa.
Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk: