plastaffald
Avatangiisinut naalakkersuisut plastikkinik mingutsitsinermut akiuisut
Plastikkit peqqissutsimut avatangiisinullu akornutsissaanngitsumik siunissami atorneqalissapput, nunani avannarlerni avatangiisinut naalakkersuisut taama naqissusiipput, taakku nunat piujuartitsinermut aamma plastikkinik atoqqiinermut ingerlatinniarpaat.
Plastikkit aamma plastikkiaqqallu imaani avatangiisinut ajoqusiiartuinnalerneranni suliniuteqarniarnermut ataqatatigiitsitsivoq.
– Imaani plastikkit aamma plastikkiaqqat annertussusaat annikillisarniarlugu nunarsuaq tamakkarlugu allannguisoqarnissaanut pisariaqartitsisoqarpoq. Nunat Avannarliit plastikkinut programmi aqqutigalugu avatangiisinut kingunerisassaannut annikillisaaqataassapput. Suliniutinut naleqquttunik suleqatigiissuteqartoqarnissaa neriuutigaara, Norgemi avatangiisinut ministeri, Vidar Helgesen, Avatangiisinut Nunani Avannarlerni Siunnersuisoqatigiinni 2017-imi oqaaseqartartuuvoq.
Sverigep avatangiisinut ministeria Karolina Skog tusagassiuutinut nalunaarummi aamma suliniut pillugu ima oqaaseqarpoq:
– Plastikkip avatangiisinut sunniinerata millisarneqarnissaanut Nunat Avannarliit siuttuussapput. Plastikkiaqqat tatsinut imaanullu aniatinneqartarnerat millisinniarlugu suliniuteqartariaqarpugut. Taammaamat Nunani Avannarlerni oqartussat suleqatigiinnertik annertusartariaqarpaat, ilisimasanip misilittakkanillu aamma avitseqatigiillutik.
Sammisat arfinillit
Ministerit uku arfinillit samminiarlugit aalajangiuppaat:
- Plastikkinik eqqakkanik pinaveersaartitsineq aamma atoqqiinissamik siunertaqarluni ilusilersuinermut tapersiineq
- Eqqakkanik passussinermut systemit sunniuteqarluartut aamma plastikkinik eqqakkanik atoqqiineq
- Imaani plastikkinik mingutsitsineq unitsinniarlugu suleqatigiinneq aamma iluarsaassinissamut aaqqiissutissanik nassaarniarneq
- Ilisimasanik avitseqatigiinneq aamma suliniutinik avatangiisinut plastikkiaqqanik mingutsitsinermut annikillisaasunik paasiniaarneq
- Plastikkinut aatsinneqarsinnaasunut ilisimasat annertusarlugit
- Plastikkinik atoqqiinermut atatillugu ajornartorsiutinut ilisimasat annertusarlugit