Avannaata Qimussersua
Avannaata Qimussersua Ilulissanut nuuppaat
Qimussimik sukkaniunnermi Nunatsinni pissartanngorniunneq nutaanik aaqqissuisortaarpoq
Avannaata Qimussersua Ilulissani pissaaq martsip 29-at. Sukkaniunnissarsuaq Qasigiannguani pisussaagaluarpoq, maannali aaqqissuisussaaagaluit nalunaarput suliassaq naammassisinnaanagu. Aaqqiissuussinersuaq taannaa maanna illoqarfimmut sanilianut Ilulissanut nuunneqartoq Kalaallit Nunaanni Qimussertartut Kattuffiat KNQK nalunaarpoq.
Qasigiannguani qimussertartut peqatigiiffiat QQP aaqqissuisussatut toqqarneqarpoq siorna Avannaata Qimussuaq Ilulissani naammassimmat. Maannali KNQK-mut nalunaarutigaat suliassaq naammassisinnaassagunarnagu.
- Peqatigiiffiup siulersuisui tamarmiujunnaarsimapput taamaattumillu aaqqissuussinissamut nukissaalatsilersimallutik, KNQK-mi siulittaasoq Mikkel Jeremiassen nalunaarpoq.
Aaqqissuussineq nuunneqartussanngussappat Qimussaq 83 Kangaatsiameersoq aaqqissuisunut paarlatsissamaataagaluarpoq. Maanna KNQK suleqatigalugu aalajangerput sukkaniunnissarsuaq Ilulissani ingerlanneqassasoq.
Meeqqat Avannaata Qimussersuaararnerat martsip 26-at pissaaq inersimasullu sukkaniunnissarsuat Avannaata Qimussersua martsip 29-at pissalluni.
Ukiormanna nutaamik Avannaata Qimussersuanngortoqartussaavoq siorna ajugaasoq Jørgen Kristensen unammisartuujunnaarmat.