aningaasaqarneq

Avannaata Qimussersua aningaasatigut ajornartorsiortoq

Avannaata Qimussersua ukiut tamaasa ingerlanneqartarnera siulersuisut apeqquserpaat. Avannaani kulturikkut pikialaartitsinerit annersaraat. Aningaasaliissutaasartut ikiliartuinnarnerat nammineq kajumissutsiminnik ingerlatsisunut KNQK-mi siulersuisuneersunut nukillaarsaataavoq

Avannaata Qimussersua Qeqertarsuami ingerlanneqarnerani assilineqartoq

Avannaata Qimussersua ukioq manna Qeqertarsuarmi ingerlanneqartoq piviusunngorpoq, piviusunngortinniarnerali suliaavoq pilersaarusiortunut inuttut nukippassuarnik atuiffiullunilu pilliuteqarfiusoq. Avannaata Qimussersua ukiut tamaasa ingerlanneqartartoq avannaaniinnaanngitsoq, aammali Kalaallit Nunaat tamakkerlugu inuppassuarnit soqutigalugu malinnaaffigineqartarpoq.

Aaqqissuussineq qimussertarnermik qimmeqarnermillu piorsarsimassutsimik pingaartitsinermik piujuaannartitsinissamillu siunertaqartoq, taama isikkoqarluni maanna kingullerpaamik Qeqertarsuarmi ingerlanneqaratarsinnaavoq. Tamatumunnga Avannaata Qimussersuata avannaani qimuttoqarfinnit amerlanerpaanit peqataaffigineqartartup ingerlanneqarnissaanut aningaasat pissarsiarinissaat ukiut kingulliit ajorkusuuleriartuinnarnerat pissutaavoq. Kalaallit Nunaanni Qimussertartut Kattuffiat, KNQK, Avannaata Qimussersuata ingerlanneqarnissaanut pilersaarusiortuusarpoq, illoqarfimmi sukkaniuffiusussami qimussertartut peqatigiiffiat suleqatigalugu.

Allaaserineqartoq tamaat Tamanut Avannaanimi atuarneqarsinnaavoq. Qaasuitsup Kommuniani pisut assigiinngitsut aamma aviisimi atuarneqarsinnaapput. Aviisi akeqanngitsumik ataani aajuk:

Powered by Labrador CMS