Avannaanut provsti nutaaq ivertinneqartoq

Nunatta avannaa nutaamik provsteqalerpoq.

Palasi Marianne Platou Olsen, ukioq 2000-imiilli palasiusoq, sapaammi decembarip 14-ani avannaani provstitut nunatta biskopianit Sofie Petersenimit ivertinneqarsimavoq.

Tamanna pivoq maannamut avannaani provstiusup soraarninngornerata kingorna.

Avannaata Provsteqarfia Ilulissaniippoq, taamaattumillu provstimik ivertitsineq Zionip oqaluffiani ingerlanneqarsimavoq.