suliniaqatigiiffik WWF
Avannaani uuliakoorneq pillugu innuttaasunik ataatsimiititsilersut
Pinngortitaq pillugu nunarsuaq tamakkerlugu suliniaqatigiiffiup WWF-ip, uuliakoortoqartillugu aalisarnemut, piniarnermut aamma pinngortitamut kingunerisinnaasaat Upernavimmi sisamanngornermi unnukkut innuttaasunut ataatsimiititsissutigissavaat
Ajutoortoqartillugu uulia sumut ingerlassava? Tamanna pillugu pinngortitamut tunarsuaq tamakkerlugu suliniaqatigiiffiup WWF-ip, unnugu sisamanngornermi Upernavimmi 'Illumi' innuttaasunut ataatsimiititsissutigissavaa.
Tamanna WWF-ip tusagassiuutinut nalunaarummini ilisimatitsissutigaa.
Innuttaasut isumaat
WFF ilisimatuunik immikkut ilisimasaqartunik aamma canadamiunik suleqatiminnik ilalerlutik assiliorniarput, assersuutigalugu uuliasiortoqarnerani imaluunniit takornariartaatip ikkarlinnerani uuliakoortoqartillugu suut kingunerissaneraat.
WWF suliniummik assingusumik siornatigut ingerlataqarsimavoq, tamatumanilu Nunavumi Beaufortip Imartaata avannaatungaani, pisinnaasut assigiinngitsut 22-t misissuiffigineqarput.
- Tamatumunnga atatillugu sapinngisamik annertunerpaamik innuttaasunit immersorneqarnissarput pisariaqartipparput, WWF-ip Nunatsinnut tunngatillugu suleqatigiivineersoq, Mette Frost, Upernavimmi innuttaasunik ataatsimiititsisussaq taama oqarpoq.
- Soorunami ajutoornikkut uuliakoortoqarnissaa neriuutiginngilarput, taamatulli pisoqassagaluarpat assersuutigalugu aalisarnermut, piniarnermut pinngortitamullu qanoq kinguneqassanersoq paasissallugu pingaaruteqarpoq, Mette Frost oqarpoq.
Atuaruk: WWF: Kalaallit Nunaanni uuliaarluartoqarnera mianersoqqussutaavoq