brand
Avannaani pinngortitami ikuallanneq nutaaq
Upernavik Kujalleq-p qanitaani pinngortitaq ikuallalerpoq
Annonse
Nunatta avannaani qeqqanilu pinngortitap ikuallannera unikaallanniarpasinngilaq.
Aasaq manna Nassuttuumi pinngortitap ikuallannera kisiartaanngilaq, piffinnili arlalinni aamma ikuallattoqarpoq.
Aamma ullumikkut ikuallattoqalerpoq. Upernavik Kujallermi innuttaasoq Sullissivimmut saaffiginnippoq oqaluttuarlunilu ikuallassunnimik naamasaqarluni.
Sullissivik Qaasuitsup Kommuniata Upalungaarsimasuutitaanut nalunaarummik ingerlatitseqqiivoq.
Upernavik Kujallermi qatserisartut suliaq misissorpaat ikuallannerlu nal. 15.00 missaani sumiiffissillugu.
Atortussat inuillu qassit pisariaqartinneqarnersut nalilersorneqarput.
Nalilersuinerlu malillugu nunaqarfinnit qanitaanneersunit Upernavimmiillu ikiuukkiartortunik aggertoqarpoq.