Avannaani meeqqanut cirkusiu
Qaammatit nikinneranni Cirkus Arena Nuummut, Maniitsumut, Sisimiunut, Aasiannut Ilulissanullu tikissaaq
- Ukioq manna aliikkusersuinermi, cirkusumi isiginnaartitsisartunit tusaamasanit qallunaanit nunanillu tamalaaneersunit katiterneqarsimasumi, cirkusi qanganisaq pingaartinneqarpoq qiimanartorpassualik tupaallannarnerusunillu ilalik. Mr. Mathieu Europami klovnit ussersortartut annersaraat aasarlu naallugu naliliisartunik isiginnaartartunillu nuannisartitsisimalluni. Atortuni soorpianngikkaluartut Mathieu-p inuit qitutsisingajavittarpai, Cirkus Arena tusagassiorfinnut nalunaarummi allappoq.
Ussersortartup saniatigut Cirkus Arenami ilaapput Miss Dea timmimik eqaalluinnartumik hullahop-imillu takutitsisoq, Michael Olivares-ilu takutitsissaaq, Cirkus Arena malillugu ima sukkatigaluni eqaatsigalunilu, Europami jonglør-ertartuni immaqa kakkannersaalluni.
inuusuttut marluk Sandy-tut Danny-tullu rulleskøjterlutik takutitissapput, musicalimit 1978-imeersumit Grease-mit, taamanikkut tassani pingaarnerusutut inuttaallutik John Travolta aamma Olivia Newton-John.
- Inuusuttut rulleskøjtertartut navianarluinnartumik takutitsippata nukinnik sipaartoqassanngilaq, tassani Patrickip periarfissat tamaasa talini siaarlugu aappani tigusarlugu. Tamatuma saniatigut Martino og Co. nuannarisatsitut klovnitut takutitsissapput pilikattuaannarllutik. Ataaseq qularnanngilaq, kalaallit isiginnaartut peqataassapput - quiasaarinermi nuannernerpaami, Cirkus Arena allappoq.
Cirkus Arena Sisimiuni aallartissaaq septembarip 30-ianni. Cirkusi Nuummut pissaaq oktobarip 2anni, Maniitsumiissalluni oktobarip 3-anni. Aasianni cirkusi timersortarfimmi aliikkusersuissaaq oktobarip 4-aanni Ilulissaniissallunilu oktobarip 5-ianni.