kommunip avinnera

Avannaani kommunit avinnerat assortuuffiusoq

Ane Hansenip isornartorsiuinerata kingorna, Avannaata Kommuniani borgmesterinngortussap Palle Jerimiassenip sakkortuumik isornartorsiorpaa.

Kommende borgmester i Avannaata Kommunia Palle Jerimiassen forstår ikke kritikken hverken fra Ane Hansen eller Jess G. Berthelsen

- Kommune Qeqertallip borgmestrissaata (Ane Hansen, aaqq.) ajortisaarinnittumik pasinarsaarillunilu nipeqarluni uparuartuinera suliap matuma upernaarli aallartinneraniit oqaaserisartagaanut ilisarnaataaginnarpoq.

Avannaata Kommuniani borgmesterissaq Palle Jerimiassen (S) aamma pisortaaneq Sivso Dorph, januaarip aallaqqaataani borgmesterinngortussap Ane Hansenip isornartorsiuinerata kingorna taama allapput.

Atuaruk: Sulisut nuunneqarnissaat pillugu apeqummi Ane Hansenip Qaasuitsup Kommunia isornartorsiorpaa

Isornartorsiorneq paasinngikkaat
Kisianni Palle Jerimiassenip isornartorsiuineq paasisinnaanngilaa.

- Avannaata Kommunissaani inunnut amerlanerusunut toqqissisimatitsiniarluta iliuuseqarnerput ajortuliornermut saatinniarneqarmat paasisinnaanngilarput, Palle Jerimiassen nassuiaavoq.

Avannaata Kommuniata nuunnissamik itigartitsisunut atorfinnik neqerooruteqarnerat, Kommune Qeqertalik paasitinneqanngimmat, Ane Hansenip pakatsissutigaa.

Atuaruk: Palle Jerimiassen: Sulisut soraarsiinnarsinnaanngilagut

Atorfinniitut sorliit Kommune Qeqertalimmukarnissamik itigartitsisut Avannaata Kommuniata paasigamiuk, Avannaata Kommuniani suliffissaaleqisussat Avannaata Kommuniani suliliernissaannik neqeroorfigaat, Palle Jerimiassen nassuiaavoq.

- Erseqqissaatigilarput tamkkeqqajarnagit neqeroorfigigatsigit, tigusinnaasavuli taamaallaat. Erseqqissassavarputtaaq akinissamut piffissaq killigititaasoq ullunik marlussunnik qaangiutereersoq aatsaat pineqartut neqeroorfigineqarmata, pisumilu matumani Qaasuitsup Kommunia malinnaatinneqarpoq, Palle Jerimiassen nassuiaavoq.

Atuaruk: Qaasuitsup Kommuniani sulisut aqqanillit nuukkusunngitsut

Amerlasuut nuukkumanngitsut
Qaasuitsup Kommuniata sulisut Kommune Qeqertallip aamma Avannaata Kommuniani agguarneqarnissaanut akisussaaffigissagaa avitsinermut inatsimmi allaqqasoq, Palle Jerimiassenip naqissuserpaa.

- Tamannalu pivoq kommunit pineqartut atorfilittaasa pisariaqartitaminnik oktobarip aallartilaarnerani inuttalersuimmata. Pineqartumi isumaqatigiissut malillugu atorfillit 41-t Kommune Qeqertallip tigorusullugit toqqarpai 62-illu Avannaata Kommunianut neqeroorfigineqarlutik. Pineqartunit arlallit Kommune Qeqertalimmut nuunnissaminnut itigartitsipput.

- Akinissamut killissarititaasoq naammat Qaasuitsup Kommuniata allaffissuani malugisinnaavarput nuanniilliortorpassuaqartoq. Nuaanniilliortoqarpoq toqqissisimannginneqarlunilu, Palle Jerimiassen oqarpoq.

Toqqissisimanermut tunngasoq
SIK-mi siulittaasoq Jess G. Berthelsen kingorna isornartorsiuivoq, Qaasuitsup Kommuniani sulisut Ilulissaniit Aasiannut nuunnissamut akuersisimasut illaatigisassanngortinneqartutut misigisimanerarlugit.

- Paasisinnaanngilluinnarparput SIK-p siulittaasuata sulisunut suliffissaaruttussanut toqqissi- sitsiniarluta neqerooruteqarnerput illaruaatissiinertut taasinnaammagu, Palle Jerimiassen oqarpoq.

Atuaruk: SIK: Qaasuitsup Kommuniani sulisut pissusiluffigineqarput

Powered by Labrador CMS