Kommunit ajornartorsiortut

Avannaani kommunit avinnerannut arlaannaaluunniit akileerusunngiaq

Naalakkersuisut inatsisissatut siunnersuummut tusarniaanermi akissutisiaat assigiipput: – Qaasuitsup Kommuniata nammineq niaqorluutigissavaa

Nunarsuarmi kommunit annersaata avinnissaanut arlaannaaluunniit akileerusunngilaq, aamma Qaasuitsup Kommunia

Siunnersuisartut kukkunersiuisullu BDO-p nalunaarusiaa tunngavigalugu Naalakkersuisut nalilerpaat 2017-imi Qaasuitsup Kommuniata avinneranit ataasiartumik aningaasartuutit minnerpaamik 15,8 million koruuniusut, avannaanilu kommuninut mikinernut ingerlatsinermi aningaasartuutaanerusartussat ukiumut minnerpaamik 9,4 million koruuniusassallutik.

Arlaanaataluunniilli akiligassaq akilerusunngilaa – aamma Qaasuitsup Kommuniata.

Kommunit avinnissaat pillugu inatsisissatut siunnersuut Naalakkersuisut tusarniaassutigaat, kingornalu inatsisissamut siunnersuut naqqitaq ukiaanerani Inatsisartut maannakkut ataatsimiinneranni oqaluuserineqartussatut nalunaarutigineqarluni.

Atuaruk: Avinnermi akiligassaq paatsuungassutaasoq

Nammineq akiliissasut
Inatsisissatut siunnersuummi nunarsuarmi kommunit annersaat kommuninut mikinernut avinneqassaaq: Qeqertarsuup kommunia Kangaatsiaq, Aasiaat, Qeqertarsuaq Qasigiannguillu ataatsimoorlutik (innuttaasut 6.508) Qalerallillu kommuniat Ilulissat, Uummannaq, Upernavik Qaanaarlu ataatsimoorlutik (innuttaasut 10.500).

Atuaruk: Kommunip avinneqarnissaa akisussaqaaq

Naalakkersuisut inatsisissatut siunnersuutip oqaaseqaataanni naqissuserpaat avinnermi aningaasartuutit Qaasuitsup Kommuniata nammineq akilissagai, aningaasartuutillu nunatta karsianut kommuninullu pingasunut allanut sunniuteqaratik. Naalakkersuisut tunngavilersuutigaat Qaasuitsup Kommuniata avinnissaa kommunimit namminermit kissaatigineqartoq, taamaalillunilu aamma avinnermi aningaasartuutit nammineq akilissallugit.

Atuaruk: Qaasuitsup Kommunia 1. januar 2018-imi avinneqassaaq

Allaaserisaq tamaat Sermitsiami saqqummeqqammertumi atuaruk. Aviisi uani aamma pisiarisinnaavat:

Powered by Labrador CMS