nunanut allanut niuerneq
Avammut tunisat eqqussukkallu appariartut
Ukiup qaammataani siullerni pingasuni raajat qalerallillu avammut tunisat appariarput
Kalaallit Nunaata avammut niuernera 2014-imut sanilliullugu ingerlanerluttorujussuuvoq.
Avammut tunisat eqqussukkallu siornamut sanilliullugit appariarput, tamanna "2015-imi 1. kvartalimi nunanut allanut niuerneq"-mi Naatsorsueqqissaartarfimmeersumit kisitsisinit takutinneqarpoq.
Taamaakkaluartoq eqqussukkat avammut tunisanit suli qaffasinnerupput, taamaalillutalu niuernikkut oqimaaqatigiissitsinermi suli amigartooqqalluta.
2015-ip qaammataani siullerni pingasuni avammut tunisanit isertitat 361 millioner koruuniusimapput. Tammanna ukiup siulianut sanilliullugu 89 millioner koruuninik appariarneruvoq, appariaat 20 procentiulluni. Avammut tunisat nalingata appariarneranut pissutaanerpaavoq kinguppaat qalerallillu avammut tunisat appariarsimanerat, taakkua ukiup siulianut sanilliullugit 57 millioner koruuninik aammalu 31 millioner koruuninik appariarsimammata.
Eqqussukkanut ukiup qaammataani siullerni pingasuni aningaasartuutit 627 millioner koruuniupput. Taakkua ukiup siuliani piffissamut tassunga sanilliullugu 27,5 millioner koruuninik appariarsimappu, appariaat 4 procentiulluni. Maskiinanik assartuutinillu eqqussukkat 2014-imi kvartalimi siullermi 186 millioner koruuniniit 2015-imi piffissamut tassunga 136 millioner koruuninut appariarsimapput. Appariaat 50 millioner koruuniuvoq, imaluunniit 27 procentiulluni.