assartuineq
Avammut tunisat eqqussukkallu amerleriarnerat RAL-ip siuariaatigaa
Royal Arctic Line kvartalimi siullermi 2015-imit 2014-imillu piffissami tassani nunatta avataanut amerlanerusunik assartugaqarsimavoq
Kvartali siulleq Royal Greenlandimut nalinginnaasumik unammillernartuusarpoq, 2016-imili assartukkat amerleriarsimapput, taamaasilluni 2014-imi 2015-imilu kvartalimit siullermit amerlanerungaatsiarlutik.
Kvartalimi siullermi Kalaallit Nunaata avammut tunisaminik assartugai 2015-imit avammut assartukkanit annikeqisunit 30%-it missaannik amerleriarsimapput, 2014-imiillu amerleriarnerulaarsimallutik.
Isertitat amerleriarput aningaasartuutillu ikileriarlutik
Aamma eqqussukkat kvartalimi siullermi 30%-t sinnerlugit amerleriarsimapput, tamatumunngalu ilaatigut pissutaavoq sanaartornerup annertuseriarsimanera.
Royal Arctic Line aamma soraarsitsiortorlunilu sipaarniuteqarsimavoq, assartukkallu amerleriarnerat ilanngullugu umiarsuaatileqatigiiffik kvartalimi siuillermi ´pingaarnerusumik ingerlatsinermigut´ DKK 8,4 millioner koruuninik angusaqarsimavoq.
RAL-ip naatsorsuutigaa avammut assartukkat amerliartuinnassasut, tdaamaattumillu maajip qiteqqunneraniit sapaatip akunnikkaartumik assarstuisaqqilissaaq, tamannalu peqatigalugu avammut tuniniaasartut nunarsuarmut toqqaannarnerusumik attaveqartilerniarlugit Island aqqusaarlugu, aallaqqaammut sapaatit akunneri pingasukkaarlugit.
Royal Arctic Linep ukiup sinneranut naatsorsuutigaa avammut tunisat eqqussukkallu 2015 assigalugu amerleriarumaartut.
Naatsorsuutigineqarpoq 2016-imi angusat 2015-imisulli amerlatigiumaartut.