ammassaat suai
Avammut tunisassiat ilaneqalerunarput
Japanimi atuisartut ammassaat suaannik ujartuipput, tamannalu pissutigalugu Royal Greenlandi ammassannik misileraalluni aallisartitsinissaanik eqqarsalersitsivoq. Ajornaatsuinnaanngilarli.
Annonse
Qeqertarsuup Tunuani ammassannik arnarlunnik angisuunik peqarluarpoq, taakkulu Japanimiit piumaneqarluarput, Royal Greenlandimi tunisassianik inerisaanerni ingerlatsisoq, Nikoline Ziemer, umiarsuaateqarfiup nittartagaanut oqarpoq
Piumasaqaateqartut
Misileraalluni aalisarneq aappagu aallartinneqarsinnaanera, taassuma neriuutigaa.
Japanimiut atuisartuisa ammassaat suaannik piumasaqaateqarput:
- Ammassat sissamut suffiartunnginnerini, tassa suli sissamut pinnginnerini pisarineqartarnissaat.
- Ammassat tunisassiarineqartussat iluitsuutillugit qeritiinnarlugit nassiunneqartassapput
- Ammassat arnarluit aqajarui imaqassanngillat, imaqartillugimmi nerisaasa suaat mamassusaat qalipaataallu sunnertarsimammatigit.