Skip to main content

Avammut niuerneq milliardip sisamararterutaanik kinguariarpoq

Kalaallit avammut niuernerat kinguariaateqarpoq. Ukiup affaani siullermi 2017-imi kisitsisit takutippaat, taakku Naatsorsueqqissaartarfiup saqqummiuteqqammerpai.

Ukiup qaammataani arfinilinni siullerni avammut tunisinermit isertitat ukiup taamaalinerranut 2016-mut sanilliullugu 246 millionit koruuninik appariarput.

Raajat qaleraliillu iluatsinngillat
Ingammik raajanik qaleralinnillu avammut niuernermi kinguariartitsipput. Raajanik avammut tunisinerup nalinga ukiup siulianut sanilliullugit 124 millionit koruuninik aammalu 118 millionit koruuninik appariarsimammata.

Nioqqutinik taakkuninnga avammut niuernerup appariaateqarnera økonominut tupaallaataagunanngilaq. Ukiorluunerata raajarniarneq aamma qaleralinniarneq unammillernartoqartippaa. Raajanut tunngatillugu inuussutissarsiortut pisassiissutit tamakkernissaannik naatsorsuuteqarput. Akerlianik qaleralinniarneq ajorpasinneruvoq, tassani naatorsuutigisamit tulaassorneqartut ikinnerupput.

Eqqussuineq 106 millionit koruuninik appariartoq
Nioqqutissanik eqqussuinermi aamma appariartoqarpoq, ukiup affaami siullermi ukiup siulianut sanilliullugu 106 millionit koruuninik appariartoqarpoq.

Ikummatissat punnerusaallu uumaatsunit pisut assigisaallu annikillisimaneri ingammik eqqussorneqannginnerulerput, Naatsorsueqqissaartarfimmi tamanna atuarneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER