avaleraasartoorniarneq
Avaleraasartuut silarlunneranit qimagusimaartinneqartut
Polar Seafood aalisartitseqatigiiffiit avaleraasartuunik amerlanernik pisaqarusukkaluartut ilagaat
Angallatit inuttallu inissaminneereerput. Aalisakkalli amigaataaginnarput.
- Maannamut ingerlalluarpallaanngilagut. Aalisarneq suli aallartilluanngilaq, aalisarnermik suliffeqarfissuup Polar Seafoodip siulittaasua, Henrik Leth, oqarpoq.
Kalaallit Nunaanni aalisarnermi ingerlatsisut namminersortut annerpaartaat aalisakkanik ikerinnarsiortunik Tunup avataata imartaani 12.000 tonsinik pisassinneqarsimavoq, pisassiissutillu aalisariutit 'Polar Nanoq', 'Polar Princess' aamma 'Polar Amaroq' atorlugit aalisarneqassapput.
Atuaruk: Nunatsinni avaleraasartuunik misissuineq nutaaq
Polar Seafood tamatuma saniatigut Qajaq Trawlimik, 4.000 tonsinik pisassinneqarsimasumik, 50 procentimik piginnittuuvoq.
Ataaserli tassaavoq pisassiissutinik pissarsisinnaaneq, sulilu alla tassaalluni Polar Seafoodip aalisariutaasa aalisalerneranniit ullut 14-it missaanniittut ingerlaneranni imaani aalisakkanik pissarsisinnaaneq.
Avaleraasartoorniarneq qanoq ingerlanersoq Sermitsiami nutaami normu 31-mi annertunerusumik atuaruk: