Aalisarneq
Avaleraasartuut 4.000 tonsit pisassiissutaassapput
Tunumi avaleraasartuut 8.500 tonsit ingerlatseqatigiiffinnit aalisarneqanngitsut ingerlatseqatigiiffinnut allanut agguaateqqinneqassapput
Aalisarnermut Piniarnermullu Naalakkersuisoq Karl-Kristian Kruse tallimanngornermi aalajangerpoq Tunumi avaleraasartuut 8.500 tonsit ingerlatseqatigiiffinnit aalisarneqanngitsut ingerlatseqatigiiffinnut allanut agguaatissallugit.
Avaleraasartuut 4.000 tonsit ingerlatseqatigiiffinnut pingasunut pisassiissutaassapput, Namminersorlutik Oqartussat tusagassiuutinut nalunaarummi allapput.
Ingerlatseqatigiiffiit marluk pisassatik nungulivippaat, ingerlatsiveqatigiiffillu ataaseq nunatsinneersoq nunatsinneersunik
aalisariutaateqarpoq ikerinnarsiortunik aalisarsinnaasunik, paasissutissiarineqarpoq.
- Aalisarnermut Piniarnermullu Naalakkersuisoqarfiup avaleraasartuut 4.500 tonsit kingusinnerusukkut pisassanik pisariaqartitsisunut tunniunneqarsinnaaneri siunertaralugu immikkoortippai, tusagassiuutinut nalunaarummi oqaatigineqarpoq.