Aalisarneq
Avaleraasartuunut politikki iluatsinngitsoortoq
– Peqataasut tamarmik pimoorussinngillat, Naalakkersuisut nassuerput
2013-imilli aalisarnermut, piniarnermut taarseraattut kalaallit suliffeqarfiutaat ullumikkut namminerisaminnik angallataateqanngitsut, aamma Tunumi avaleraasartoorniarnermi peqataatinneqarnissaannik erseqqissumik politikkeqarput.
Taamaammallu avaleraasartoortassiissutinit tamarmiusunit annikigisassaaanngitsut suliffeqarfinnut minnerusunit, pisassiissutisiaminnik nunani allamiunik attartorlutik aalisartitsisartunut tunniunneqartarput.
Atuaruk: Atlantikup avannaani avaleraasartuut aalisapilunneqarput
Peqataasut amerlavallaartut
Ukioq manna avaleraasartoortassat 30.000 tonsit maajip uluisa 31-ianni qinnuteqartut aqqaneq marluk akoranni, suliffeqarfinnut arfinilinnut makitsinikkut agguaanneqarput. (Pisassiissutit sinneri kalaallit aalisartitseqatigiiffiinut namminerisaminnik angalatilinnut 35.000 tonsit kiisalu aalisartitseqatigiiffiinnut aamma taakkununnga, aalisariutinik attartorlutik aalisagassanik 20.000 tonsit agguaanneqarput).
Pisassiissuteqartitsinikut suliffeqarfiit minnerusut namminerisaminnik aalisariutitaasinnaanissaminnut patajaallisarneqarnissaat Naalakkersuisunit eqqarsaatersuutaavoq.
Atuaruk: Avaleraasartoorniarneq siornarnit pitsaaneruvoq
Suliffeqarfiillu amerlasuut ‘sinniisut aqqutigalugit’ avaleraasartoorniaqataasut manna tikillugu avaleraasartoorniassutissaminnik suli iluanaarutiminnik aningaasaliisimannginnerat ajornartorsiutaavoq.
– Ukiuni kingullerni Tunumi ikerinnarsiortunik alisarnermi peqataasut amerlaval- laarput, taamanikkut aalisarnermut, piniar- nermut nunalerinermullu naalakkersuisuusoq Karl-Kristian Kruse (S) marsimi ukioq manna avaleraasartoorniarnissami toqqammavissat saqqummiunneqarneranni oqarpoq.
Atuaruk: Avaleraasartoorniarneq ajalusooqqajaaffiusoq
Aallaaserisaq tamaat Sermitsiami uani sapaatip-akunneraneersumi atuaruk. Aviisi uani aamma pisiarisinnaavat: