avaleraasartoorniarneq
Avaleraasartuunik suliaq qulequttanik pilersitsisoq
Kim Kielsen avaleraasartuunik suliaq pillugu Berlingerenimi avoqqaarineqarpoq
Kalaallit Nunaat politikkikkut assoralisimaaqqilerpoq aalisarnermik suliffeqarfeeraq namminersortoq partiimut naalakkersuisuutitaqartumut Siumumut ilaasortat marluk akuuffigisaat naalakkersuisunit avaleraasartuunik pisassinneqareersorlu. Taama Berlingeren Ny politisk skandale i Grønland - Kalaallit Nunaanni politikkikkut kanngunartuliaq nutaaq - qulequtsiullugu allaaserisaqarpoq.
Allaaserisaq tamaat uani atuarsinnaavat.
Pisassiissutit suliffeqarfimmit tuniniaanikkut 30-40 millioner koruuninik pissarsissutigineqarnissaat ilimagineqarpoq. Siumumeersut nuimasut aalisarnermi pissarsinarluartumi pisassinneqarnerat arlalinnit sakkortuumik isornartorsiorneqarpoq.
Kattuffiit taamaalillutik ukioq manna avaleraasartuunik agguaassineq isornartorsiorsimavaat.
Kalaallit Nunaanni Siumumi politikerit siuttuusut pissaaneqarumanerat ukiuni qulikkuutaani kingullerni pingasuni qanigisanik salliutitsinermik kammalaatersornermillu nassataqartarsimavoq. Kim Kielsenip siorna Inatsisartunut qineqqusaartoqarnerani ajornartorsiutit tamakkua Kalaallit Nunaata ajornartorsiutivissuarigai isertuutinngilaa. Suliniutiginiagaa ilaatigut tassaavoq Kalaallit Nunaanni qanigisanik salliutitsisarnermik kammalaatersornermillu atorunnaarsitsiniarnissaq.
Kim Kielsenilli namminerpiaq ingerlatseqatigiiffiup KNT-ip 4.285 tonsinik avaleraasartoortassinneqarnissaa naalakkersuisunut inassutiginiarlugu aalajangersimavaa. Suliffeqarfk piginneqataasunit nunaqarfinneernerusunit 100-t missaanniittunit pigineqarpoq. Piginnittut akornanniipput Aalisarnermut Naalakkersuisup Siumumeersup Karl-Kristian Krusep ernera partiillu allattaanera sunniuteqarluartoq naalakkersuisuusimasorlu Mikael Petersen. Tusagassiuutineersunut toqqorsivik mediedatabasen BIQ naapertorlugu Petersen suliffeqarfiup pisortaaneratut suli nalunaarsoqqavoq, naak taamaattoqannginneranik oqaraluartoq.
Karl-Kristian Kruse allaaserisami matumani imminnut illersorpoq.
Aviisi uani pisiarisinnaavat.