avammut niuerneq

Avaleraasartoorniarnerup iluatsinngitsup avammut niuerneq eqqorpaa

Kalaallit Nunaata avammut tunisinera ukiup ataatsip ingerlanerani 12 procentimik appariateqarpoq

Ukiuni arlalinni aalisarneq annertusiartoreersoq 2014-mi avaleraasartoorniarneq iluatsinngilaq

Nunatta nunanut aallanut tunisinera kvartalit pingajuanni 237 millionit koruuninik siornamut piffissap taamaalineranut sanilliullugu appariarpoq.

Naatsorsueqqissaartarfik taama ilisimatitsivoq.

Avaleraasartuut ikinnerusut
Appariaatip nunanut allanut tunisat katinnerisa tamanna 12 procenteraat. Tassani avaleraasartoorniarnerup ingerlanerlunnera appariarnermut pissutaanerpaavoq.

Aalisakkanik ikerinnarsiortunik avammut tunisineq aamma 69,1 procentimik siornamut sanilliullugu appariaateqarpoq.

Ukiup massuma qaammataani siullerni qulingiluani avammut tunisanit isertitat 1,867 milliardit koruuniusimapput.

Eqqussuineq annikinnerusoq
Piffissami tassani Nunarput nioqqutissanik avataanit 2,94 milliardit koruuninik eqqussisimavoq.

Tamanna siorna piffissamut assinganut sanilliullugu 21 millionit koruuninik appariarneruvoq, procentinngorlugu 0,7-iulluni. Naatsorsueqqissaartarfik taama paasissutissiivoq.

Maskiinanik angallatinillu tikiussineq annikinnerusoq tamatumunnga peqqutaavoq.

Atuaruk: Avaleraasartoorniarneq unitsinneqartoq

Powered by Labrador CMS