Aalisarneq
Avaleraasartoorniarnerup iluatsinngitsoorneranut pissutaasut pingasut
– Kalaallit Nunaata avaleraarsartoortassani tamakkerlugit aalisarsinnaassappagit pisassat kingusinnerpaamik februaarimi-marsimi agguaanneqartariaqarput, taamatut oqarpoq umiarsuarnik a artortitsinermik ingerlatsisoq Ture Korsager
Ingerlatsiviit arfinillit, namminneq angallataateqanngitsut, marlunngornermi maajip 31-ani makitsinikkut tamarmik immikkut 5.000 tonsinik avaleraasartoortassinneqarput – tassa katillugit 30.000 tonsinik, pisassallu avaleraasartoorniarfiup nalaani, juunip naalerneraniit septembarip aallartinneranut, nunat allamiut angallataannit aalisarneqartussaallutik.
Avaleraasartuunut akitsuut kiilumut 1,50 koruuniummat pisassat tamakkerneqarpata tamanna nunatta karsianut 45 millioner koruuninik isertitsissutaassagaluarpoq.
Taamaatiinnartariaqartut
Avaleraasartoorniarnerli naammat ingerlatsiviit marluinnaat nunat allamiut angallataannik attartorsinnaasimapput, ingerlatsiviillu sinnerisa sisamat ukioq manna avaleraasartoorniarnissartik taamaatiinnar simallugu.
Tamanna umiarsuarnik attartortitsinermik ingerlatsiviup Atlantic Shipping A/S-ip Københavnimiittup pisortaata Ture Korsagerip tupiginngilaa.
Pissutaasut pingasut
Ingerlatsiviup taassuma ukiuni arlalinni Kalaallit Nunaanni umiar suaatileqatigiit Tunumi avaleraasartoorniarnermut nunat allamiut angallataannik attartortarnerannik ikiortarsimavai.
Taassuma tikkuarpaa, pisassiissutit kingusippallaamik tunniunneqarsimapput. Kalaallit Nunaata avaleraasartoortassani tamaasa pisarisassagunigit, pisassiissutit februaarimi-marsimi agguaanneqartariaqarput.
Taassuma saniatigut akitsuut qaffasippallaarpoq, Naalakkersuisut aamma ullumikkumit nunanit amerlanerusunit aalisarnermut attartorneqarsinnaanissaat ammaattariaqarpaat.
Pisut pillugit naliliinera Sermitsiami atuaruk