Autisme
Autisme pillugu Nuummi ataatsimeersuartitsineq
Nunatsinni Autismertut peqatigiiffiata Nunatsinni ilaqutariinnut autismemut eqqugaasimasunut atukkat pitsanngorniarlugit ataatsimeersuarnermik sulineq aallartinniarpaa
Autismertut peqatigiiffiat marsimi Nuummi ataatsimeersuartitsilerpat inuit 100-t sinneqartut peqataanissaat naatsorsuutigineqarpoq.
Autismertut peqatigiiffiannit ilaqutariit autismimit eqqorneqarsimasut, immikkut ilisimasallit allallu atuarfinni, kommunini suliffeqarfinni ulluinnarnilu naapittagaasa ilisimasat misilittakkanillu paarlaateqatigiinnerit qitiutillugit ataatsimeersuarnermi sammineqarniarput.
Atukkat pitsanngorsarlugit
- Siunertarineqartoq ersarippoq. Ataatsimeersuartitsinikkut Kalaallit Nunaanni autismemik eqqorneqarsimasut ilaqutaasalu atugaannik pitsanngorsaaneq sukkanerpaamik aallartinniarparput, peqatigiiffiup siulersuisuini ilaasortaq Karsten Høy oqarpoq.
Ataatsimeersuarneq nunatsinni immikkoortortaqarfittut autismertut peqatigiiffittaavata Danmarkimilu Landsforeningen Autismep suleqatigiinnerisigut ulluni 17. - 19. marts 2017 ingerlanneqassaaq.