Erinarsorneq
Australiamiu danskit grand prixiani ajugaavoq
Australiami inunngortoq Anja Nissen Europami Melodi Grand Pirxertoqalerpat Danmarki sinnerlugu peqataasussanngorpoq.
Danmarkimi melodigrandpriximi ajugaasoq tassaacoq Anja Nissen atorlugu "Where I Am". Tamaasilluni Eurovision Song Contestimi, tassa europami erinarsorluni unammersuarneq Kievimi Ukrainimiittumi, Danmark sinnerlugu peqataasussanngorpoq.
Australiami inunngortoq Anja Nissen Danmarkimi erinarsorluni unamminermi annerpaami peqataasuni quliusunit arfininngormat ajugaavoq.
Appassaanik peqataavoq
Anja Nissen siorna Dansk Melodi Grand Priximi "Never Alone" atorlugu aamma peqataavoq. 2014-imilu Australiamiut The Voiceani Black Eyed Peasikkunni einarsortoq will.i.am ilitsersuisoralugu ajugaavoq.
Anja Nissen Australiap illoqarfiisa pingaarnersaani Sydneymi inunngorpoq peroriartorlunilu. Angajoqqaavili tamarmik danskiullutik.
Anja Nissenip Johanna Beijbom Ida Unalu pingasuullutik nuannarineqarnerpaamiilerput. Anja Nissenilli isiginnaartut 64 procentiinik toqqarneqarluni ajugaallun.