AUL-imi sulisut 45-t siunissartik naluaat
Artic Umiaq Line 2017-imit amigartooruteqarnissamut qularnaveeqqusiiffigineqanngikkuni umiarsuaatini tuniniartariaqalersinnaavaa sulisunillu soraarsitsilluni
Artic Umiaq Line 2016-imi 13,4 millioner koruuninik amigartooruteqarsinnaanerminut isumaqatigiissuteqarpoq, 2017-imilu annertunerussaaq.
– Angallassinissamut 18,1 millioner koruuninik neqerooruteqarsimavugut, 2017-ilu akisussaqaaq, pissutigalugu Sarfaq Ittuk ukiut 25-ikkaartumik tamakkiisumik misissorneqartussaammat, AUL-ip pisortaa Jette Larsen Sermitsiamut paasissutissiivoq.
Sulisunik soraarsitsinnaapput
Jettte Larsen naapertorlugu 2017-imut amigartooruteqarnissamut qularnaveeqqut Arctic Umiaq Linep Naalakkersuisullu isumaqatigiinniutigaat.
– Illuaørungeriit oqaloqatigiilluarpugut, naatsorsuutigaarpullu 2016-imi apriilimi politikkikkut aalajangiisoqareersimassasoq.
Siunissami qaninnerpaami aaqqiissuteqassasoq Jette Larsenip isumalluarfigaa, qanorli pisoqassanngikkppat Arctic Umiaq Linep umiarsuaanni ilaasartaat Sarfaq Ittuk tunisariaqalersinnaavaa sulisullu 45-t missaanniittut soraarsillugit.
Oqaluttuaq Sermitsiami atuaruk. Aviisimi biilinik angallatinillu samminnilluni aviisi nuannarineqarluartoq Motoori nutaajunerpaaq tapertaavoq. Aviisi pisiarisinnaavat uani: