atuartut siulersuisui
Atuartut qinersisut: Atuarfimmi nerisat aamma qinngasaarisarnermut iliuuseqarneq
Naalagaaffiit Peqatigiit nunarsuaq tamakkerlugu tamat oqartusaaqataanerannut ullorititaani, ippassaq marlunngornermi, Narsap Atuarfiani atuarfiup siulersuisuini atuartut sinniisaannik qinersisoqarpoq, atuartullu isummatik siunnersuutitillu pitsaasut qinigassanngortittunut sisamanut saqqummiuppaat.
Marlunngornermi ullaap-tungaani atuarfiup inersuaanut taasitsitsinissamut qaaqqusisoqarpoq. Atuarfiup siulersuisuini atuartut sinniisaannik tassani qinersisoqarpoq.
Qinersinissaq pillugu ataatsimiititsineq
Ataatsimiinneq nalinginnaasumik inersimasut qinersinissaq pillugu ataatsimiititsinerattut ingerlanneqarpoq, qinigassanngortittut sisamat qineqqusaarutitik saqqummiuppaat, kingornalu inersuarmit apersorneqarput, qinersisussallu iluarisimaakkatik ersaattaattarpaat.
Tamatuma kingorna atuarfiup nipilersortarfiani taasisoqarpoq, tassani atuartut nalunaarsorneqarput, kingornalu taasissutissamik tunineqarlutik, tassanilu taasisarfinni marlunni taasiartorput, tamanna ilinniartitsisumit Mathias Mølgaardimit nakkutigineqarpoq, qinersinermik eqqunngitsuliortoqannginniassammat.
Qinersinermi Ane Marie Berthelsen ajugaavoq, qulequttat pingaarnerit uku qineqqusaarutigai: vigtigste emner var:
- Atuarfimmi nerisaqarnerup eqqunneqaqqinnissaa, atuartut amerlavallaat ullaakkut kaallutik taquaqaratillu atuariartortarmata.
- Atuarfik qinngasaarisarnermut politikkimik eqqussissasoq, tamannalu kinguneqartitsilluni atussagaa. Taassuma qinngasaarisarneq Narsap Atuarfiani ajornartorsiuterujussuusoq oqaluttuaraa.
- Atuarnerup nalaani atuartut aalallutillu timersornerorusupput.
- Angajulliit klassiini inuussutissarsiutinut ilinniarnernut pitsaanerusumik ilitsersuisoqartarnissaa kissaatigineqarpoq, atuarunnaaraangamik siunissaminnut aalajangiilluarnerunissaa anguniarlugu.
Amerlasuut aaqqissuussaaneq paasisinnaannginnamikku aamma saaffiginniffissat nalugamikkit unittoortarput, ilinniaqqinnatillu unittoortarlutik.
Sinniisussatut Ulrik Fontain qinerneqarpoq.
Politikerit peqataanngitsut
Atuarfiup kommunalbestyrelsimut ilaasortat sisamat illoqarfimmeersut tamat oqartussaaqataanerat aamma qinersisarneq pillugu saqqummiusseqqullugit qaaqqusimagai, ilinniartitsisoq Peter Larsen aaqqissuisuusoq oqaluttuarpoq. Kisianni ataaseq angalavoq, sinneri pingasut ulapputeqarlutik peqataasinnaasimanngillat.
Pingasunngornermi ualikkut angajoqqaat sinnissaannik qinersisoqassaaq.