Narsaq
Atuartut inersimasunut aalakoortunut akerliussutsimik takutitsisut
Narsami 9A-t atuarfimmi atuartut katersorpaat, meeqqat pisinnaatitaaffii maluginiaqqullugit
Meeqqat pisinnaatitaaffiinut angerneq, atuarfeqarfimmi sipaarniarnernut aamma inersimasunullu aalakoortunut hashitorsimasunullu naaggaarneq.
Narsap Atuarfiani 9A pingasunngornermi akerliussutsimik takutitsinissamik aaqqissuussimmata, oqariartuutit taama nipeqarput.
Meeqqat toqqissisimanngitsut
Meeqqat arlallit oqaatigisimavaat, akissarsiffimmi aninissartik toqqissisimaffiginngikkitsik, inersimasut aalakoortut amerlasuut suaartartartut pissutigalugit. Ingammik tallimanngorneq arfininngornerlu akissarsiffiup kingorna ajornartorsiutaasarpoq.
Atuarfimmi nerisaqarneq
Atuartut aamma kommuni atuarfeqarfimmut aninigaasanik qulakkeerinissaa kissaatigaa.
Atuarfimmi nerisaqarnermut aaqqiissut ilaatigut sipaarfigineqarpoq.
100.000 koruuninik ajugaasut
9A qanittukkut siunissami atuarfitsialak pillugu unammisitsisoqarnerani 100.000 koruuninik ajugaavoq. Brugseni unammisitsisuuvoq, unammeqataasullu 24-iupput.
Atuaruk: Brugseni Narsami atuartunut 100.000-inik tunniussivoq
Brugseni Narsami atuartunut 100.000-inik tunniussivoq
Unammisitsinermullu atatillugu atuartut takorluugaat, atuarfiup pisortaanit Ivalo Motzfeldtip meeqqanut oqalugiarnerani eqqaaneqarput.
- Suliarsi qimerlooraanni imartoqaaq. Atuarfik pitsaanerusoq takorluugarsi pikkunaqaaq. Angusarissaassagussi pisariaqartitasi allappasi, pisortaq ilaatigut oqarpoq.
Tassunga tunngatillugu atuartut ilaatigut tikkuarpaat, angerlarsimaffimmit tapersersorneqarnissaq pingaaruteqartoq, assersuutigalugu ilinniagassanik ikiorneqarneq.
Maligassiuisut
Atuarfiup pisortaata tassani atuartut ilumoornerarpai, angajoqqaallu meeqqaminnut maligassiuisuussasut, atuarfillu atuartunut ilinniartitsisunik qulakkeerinnissaa naqissuserpaa.
Atuaruk: Imerajunnermut akerliussutsimik takutitsisut