Efterskole
Atuartut 337-t efterskolernertik naammassisimavaat
Ukiumi atuarfiusumi 2016/17 kalaallit Kalaallit Nunaanni imaluunniit Danmarkimi efterskolini atuartut 437-t aallartissimapput aammalu taakkunannga 337-it efterskolernernik naammassisaqarsimallutik.
Ukioq kingulleq kalaallit atuartut 437-t Kalaallit Nunaani efterskolianni marlunni arlaannit Danmarkimiluunniit atuarlersimapput.
Aallartittunit 437-t akornanni 337-t atuarnertik naammassisimagaat, Naatsorsorsueqqissaartarfiup kisitsisaataasa nutaat takutippaat.
Naammassinninnerit procentiat annerpaaq Danmarkimi efterskoliininngaanneerpoq, taakkunannga aallartinnerit tallimaagaangata sisamat naammassineqartarput, Kalaallilli Nunaani efterskoliini pingasuugaangata marluusarlutik.
Atuaruk: Danmarkimi efterskolertorpassuit taamaatitsisariaqartut
Qasigiannguani Villads Villadsenip Efterskoliani atuartut 53-t atuarnertik naammassisimavaat, Maanitsup Efterskoliani 59-it, qallunaallu efterskoliini 225-t naammassisimallutik.
Villads Villadsenip Efterskolia 2009-p aasakkut aallartinneraniit katillugit 680-it atuarnermik aallartitsisimapput taakkunannga
513-t naammasisimallutik. Maanitsullu efterskoliani 2011-mi aasaakkut pilersinneqarneraniit 442-t atuarnermik aallartitsisimapput taakkunanngalu 272-t naammassisimallutik.