assit takukkit

Atuartunut iPadsinik agguaasoqaqqittoq

Qeqqata Kommuniani meeqqat atuarfiini atuartut tamarmik iPadsinik ukioq manna agguaaffigineqartussaapput - sisamanngormallu agguaasoqaqqippoq

ni meeqqat atuartut 400-t missaanniittut iPadsinik agguaaffigineqartut Qeqqata Kommunia
Naalakkersuisut siulittaasuata Aleqa Hammond atuarfik pulaarpaa
Qeqqata KommuniaNaalakkersuisut siulittaasuata Aleqa Hammond atuarfik pulaarpaa Qeqqata KommuniaQeqqata Kommuniani meeqqat atuartut 400-t missaanniittut iPadsinik agguaaffigineqartut Qeqqata Kommunia Qeqqata KommuniaNaalakkersuisut siulittaasuata Aleqa Hammond atuarfik pulaarpaa Qeqqata KommuniaQeqqata Kommuniani meeqqat atuartut 400-t missaanniittut iPadsinik agguaaffigineqartut Qeqqata Kommunia Qeqqata Kommunia

Qeqqata Kommuniata nuannaarutigalugu nalunaarutigissavaa, meeqqat atuarfiini atuartunut iPads-it agguaanneqarsinnaanngormata Maniitsumi nunaqarfinnilu.

Qeqqata Kommuniata iPads-it 400 tungaanoortut atuartunut Kilaaseeqqap Atuarfiani Maniitsumi sisamanngornermat agguaanniarpai. Sapaatip akunnera tulliani, Kangaamiut, Atammik aammalu Napasumi iPads-it atuartunut agguaanneqassapput.

Ilinniartitsisut novembarip qaammataani iPads-inik agguaassiffigineqarput, malitsigisaanillu pingasoriarlutik pikkorissartinneqarlutik.
iPadi atuartitsinermi qanoq atorneqartarnersoq pillugu ilinniartitsisut pikkorissartinneqarlutik.

Meeqqat atuarfiini atuartitsinerup pitsanngorsarneqarnissaa anguniarlugu Qeqqata Kommuniani meeqqat atuartut iPadsinik agguaaffigineqarput.

Aningaasaateqarfik Villum Fonden 17 million koruuninik akuersissuteqarnermigut, Qeqqata Kommuniani Kommune Kujallermilu atuartut ilinniartitsisullu iPads-eqalernissaat qulakkeerpaa. Kommunit taakku marluusut ukiumut ingerlatsinikkut 3½ mio. koruuninik aningaasartuutissanik immikkoortitsipput, taamaalillutillu atuarfinni Qarasaasialerisussanik atorfinitsitsinissanut, apps-inik pisinissamut, iPads-inut ajoqusersimasunut taartissanik pisinissaq, piffissallu ingerlanerani nutaanngilisunut taartissanik pisinissat pisinnaalerlutik, aammalumi internetsimik atuinermi akit qaffakkaluttuinnartut eqqarsaatigalugit.

Powered by Labrador CMS