meeqqat atuarfiat

Atuarianngitsoortorpassuit

Atuartut ilinniartitsisullu takkuttarnermik ajornartorsiuteqartut kisitsisit nutaat takutippaat. Akunnerni ilinniartitsiviusuni tamani klassemi meeqqat amigartarput – arlalitsigullu ilinniartitsisut napparsimanerisigut vikareqartariaqartarluni

Det er især de ældste elever, der tegner sig for det ulovlige fravær fra timerne på skolerne i Sisimiut

Sisimiuni Maniitsumilu atorfinni atuartut anginerit amerlaqisut akuttunngitsumik atuartitsisinermi peqataanissamiit angerlarsimaannarnissartik toqqartarpaat.

Tamanna Qeqqata Kommuniani meeqqat atuarfiini ataatsimut pitsaassutsimut nalunaarusiap takutippaa, aviisi AG taama allaaserisaqarpoq.

- Atuariartunngitsoortarnermut atatillugu takuneqarsinnaavoq illoqarfiit atuarfiini pingasuni atuariartunngitsoornerit amerlasuupilussuusut, 9. aamma 10. klasseni atuartut nalunaaqqaaratik atuariartornatik, tamannalu iliuuseqarfigineqartariaqarluni naggataarutaasumik misilitsinnermi angusanut sunniuteqarsinnaammat, nalunaarusiami 14-inik qupperneqartumi taama inerniliisoqarpoq.

40 procentinit annertunerusumik peqanngittarneq
Inerniliussat qimerlooraanni ilaatigut takuneqarsinnaavoq Maniitsumi Atuarfik Kilaaseeqqami Sisimiunilu Nalunnguarfiup Atuarfiani atuartut angajulliit ukiumi atuarfiup ingerlanerani nalunaaqqaaratik atuariartunnginnerat 20 procentinit annertunerusoq.

Atuarfimmi ataatsimi specialklassemi peqanngittarneq 40 procentinit annertunerusoq nalunaarsorneqarsimavoq. Taamaattoq suut tamarmik ajortuinnaanngillat. Assersuutigalugu Kangerlussuup atuarfini 8-9. klassini atuarianngitsoortarneq 0,8 procentiinnaavoq.

Ukiup ingerlanerani ilinniartitsisut ilaannut suliffiup paarinissaa aamma ajornakusoortarpoq. »Meeqqap napparsimanerani ulloq siulleq« ilanngullugu naatsorsoraanni atuarfinni amerlanerusuni ilinniartitsisut peqanngittarnerat 10 procentimit qaffasinneruvoq.

Allaaserisaq tamaat AG-mi atuaruk, Qeqqata Kommuniani borgmesteri Malik Berthelsen pisumut oqaaseqarpoq. Aviisi piniarfinni uanilu ataani linki tooriarlugu pisiarisinnaavat:

Powered by Labrador CMS