Innaarsuit
Atuarfiup pisortaa: Meeqqat kaallutik atuariartortarput
Innaarsunni atuarfiup pisortaata uppernarsarpaa nunaqarfimmi meeraqartoq ikiortariaqartunik
Rosa Hansen Kristensenip, Innaarsunni Fiilimuup Atuarfiani pisortaagallartup, misigisarsimavaa meeqqat arlallit angerlarsimaffimminni nerisassaqanngitsut, taamaattumillu atuarfik qisuariartariaqarsimavoq.
Ajornartorsiulli pillugu angajoqqaat atuarfimmut saaffiginninneq ajorput, akerlianik meeqqat namminneq saaffiginnittarsimapput.
– Meeqqat ilaat oqaluttuartarput kaallutik angerlarsimaffimminni nerisassaqanngimmat. Oqartussaasutut meeqqat inuulluarnissaat akisussaaffigaarput, taamaattumillu angajoqqaat saaffigisarpavut suleqatiginiarlugit, taamaasilluta ataatsimoorluta ajornartorsiut qaangerniassagatsigu, Rosa Hansen Kristensen nassuiaavoq.
Oqaloqatiginninnerit
Taamaattumik atuarfimmi qullersat angajoqqaat oqaloqatigisarpaat. Ikiorneqarusuppatalu Qaasuitsup Kommuniani inunnik isumaginniffik saaffigineqartarpoq ilaqutariit eqqortumik ikiorneqarniassammata.
– Pisut taamaattut atuarfiup erloqinartittorujussuusarpai, meeqqallu angerlarsimaffimminni naammattumik nerisassaqanngikkaangata ilaqutariit ikiorsiissutinik tunineqarsinnaasarput, atuarfiup pisortarigallagaa erseqqisaavoq.
Atuarfiup pisortaata meeqqat atugaannik naliliinera kommunillu iliuuseqarnissaanik pisariaqartitsineq annertunerusumik atuaruk Sermitsiaq normu 48-mi. Aviisi pisiniarfimmi imaluunniit allaaserisap ataani linki atorlugu pisiarisinnaavat