Sermersooq
Atuarfiup pisortaa ilisimaneqarluartoq Sermersuumi pisortanngorpoq
Helene Broberg Berthelsen Kommuneqarfik Sermersuumi Meeqqanut, Ilaqutariinnut Atuarfeqarnermullu Ingerlatsivimmi pisortanngorpoq
Kommuneqarfik Sermersuumi Aningaasaqarnermut Ataatsimiititamut ilaasortat tamarmiusut isumaqatigiillutik sisamanngornermi septembarip 22-anni ataatsimiinnerminni Helene Broberg Berthelsen kommunimi Meeqqanut, Ilaqutariinnut Atuarfeqarnermullu Ingerlatsivimmi pisortatut atorfinitsissallugu aalajangerpaat.
Atorfittaamini novembarip ulluisa aallaqqaataanni atorfinissaaq.
Helene Broberg Berthelsen ullumikkut Atuarfik Hans Lyngemi atuarfimmi pisortaavoq. Atuarfimmi pisortatut sulinermini atuarfik suliffigisaa angusarissaarfiuvoq qinnuteqarfigineqarluartarlunilu.
Annertuumik sunniuteqarneq
-Meeqqanut, ilaqutariinnut atuarfeqarnermullu suliniuteqarnerup kalaallit inuiaqatigiinni tamani kinguaariit tulliisa siuarsarnissaannut annertuumik sunniuteqarfigineqarnialerput, borgmester Asii Chemnitz Narup oqarpoq.
- Nuannaarutigeqaara, atuarfeqarfimmi piukkunnaateqarluartumik kalaallimik pisortamik kommunalbestyrelsimut ilaasortat tamarmiusut pingaartilluagaannik toqqaasinnaagatta”, borgmesteri Asii Chemnitz Narup oqarpoq. Qularutiginngilara kalaaliunera atorfittaamini pitsaaquterujussuujumaartoq, taanna oqarpoq.
Isumaqatigiillutik innersuussisut
Berthelsenip atorfinitsinneqarnissaanut innersuussipput. Qinnuteqartut 20t akornanni sisamaasut oqaloqatigineqarnissamut ilaasut akornanniilluni toqqagaavoq.
Pisortaaneq Steffen Ulrich-Lynge aamma atorfinitsitsinermut ataatsimiititamut ilaasortaavoq.