Ilinniarneq
Atuarfiit angusaluffiusarnerat kommunit akilissagaat
Atuarfinni angusaluttarneq pissutigalugu EU-p tapiissutai ikilisinneqarpata tamanna aamma kommuninik eqquissaaq, ilinniartitaanermut Naalakkersuisoq Nivi Olsen (D) oqarpoq, taassumalu atuarfinni ajornartorsiutinut aaqqiissutissatut immikkut ilisimasaqaqatigiit pisortanillu ilinniagaqartitsineq tikkuarpai
Nunatsinni atuarfippassuarni angusaluttarneq pissutigalugu EU-mit tapiissutinut annaasanut kommunit siunissami nammaqataassapput.
Taamatut oqarpoq ilinniartitaanermut Naalakkersuisoq Nivi Olsen (D), tamannalu peqatigalugu aammaarluni erseqqissarpaa meeqqat atuarfiat kommunit akisussaaffigimmassuk, Naalakkersuisut toqqaannartumik akuleruffigisinnaanngisaat.
Atuaruk: D: Meeqqat atuarfiat sallinngortinneqartariaqarpoq
Ilinniagaqartitsinikkut politikki
Naalakkersuisup ilanngullugu erseqqissarpaa kommuninik aningaasatigut pillaaneq siumut aqqutissaanngitsoq – taamaakkaluartorli ‘aningaasatigut kajungersaatitut periuseq’, aappaagumut aningaasanut inatsisissatut siunnersuutikkut saqqummiunneqartoq, illersorpaa.
Tassani allassimavoq atuarfeqarfimmut EU-mit tapiissutit millionilikkaat (2014-imiit 2020-mut katillugit 1,6 mia. kr.-nit) annertussusissaat ilaatigut aalajangerneqassasoq ilinniagaqartitsinikkut politikkimi anguniakkat qanoq angusaqarfiutigisimanerat aallaavigalugu.
Kommunit akisussaaffeqarput
2015-imi Kalaallit Nunaanni anguniakkap 68 procentia angusimavaa, ukiup siuliani anguniagassaq 93 procentiussasoq aalajangersarneqarsimalluni. Tamatumunnga atatillugu meeqqat atuarfiat pisooqataalluinnarpoq, tamannalu tassa aningaasatigut kinguneqassaaq.
- Killiffinni misilitsinnermi angusaqarnerlukkaangatta tapiissutit ikilisinneqartarput, tamannalu nunatta karsianik eqquisarpoq. Kommunit tapiissutit appariaataannik nammaqataatinneqarnissaat isumaliutaavoq, Nivi Olsen oqarpoq, erseqqissarlugulu tamanna kommunit aningaasartuutigissagaat – atuarfiit toqqaannartumik aningaasartuutiginagu.
Atuaruk: Inuusuttut amerlanerusut ilinniarsimanatillu suliffeqanngillat
Allaaserisaq tamaat AG-mi uani sapaatip akunnerani saqqummertumi atuaruk. Aviisi uani aamma pisiarisinnaavat: