Skip to main content

Atuakkiortoq: 'Sassumap Arnaanik' sanasoq ilisimaneqarpallaanngilaq

Atuakkiortup, Finn Pedersenip, nutaamik atuakkiornermigut eqqumiitsuliortoq Christian Rosing nersorniarpaa.

Ateq Christian Rosing immaqa ilisimaneqarpallaanngilaq. Suliaali immaqa arlallit, kiap suliarisimanerai eqqarsaatigivallaarnagu, takunikuusimassavaat.

Suliarinikuusaani ilisarisimaneqarnerpaaq tassaavoq Nuummi Nuutoqqamiittoq ‘Sassuma Arnaa’.

Atuakkiortorlu Finn Pedersen isumaqarpoq Christian Rosing eqqumiitsuliortuusaq ilisarisimaneqarpallaanngitsoq. Taamaammat tamanna allanngortinniarlugu nammineq naqiterisitsisarfini atorlugu Christian Rosing pillugu atuakkiorsimavoq.

- Naapertuutinngilaq eqqumiitsuliornikkut piginnaasai suliarisimasaalu eqqarsaatigalugit annertunerusumik ukkatarineqarsimanngimmat, Finn Pedersen atuakkiap aallarniutaani allappoq.

Christian Rosing
Christian Rosing suliarisarsimasaasalu ilaat
Knud Fl. Larsen

Christian Rosing, aamma Nûnomik taagorneqartoq, assilisaqarluni eqqumiitsuliortarpoq. Taamaaliortarpoq qiperuinermigut, pinnersaasiornermigit kiisalu mikinernik eqqumiitsuliornermigut.

- Christian Rosingip eqqumiitsuliarisartagai assilisaqarluni suliaasarput, kisianni suliarisartagaani tamani arlaannik alutornartunik takusassaqartuaannarpoq, ilaatigut ullutsinni eqqumiitsuliortut eqqumiitsuliaminni ilanngutinngitsoortagaannik imaluunniit toqqorlugit ilannguttangaannik, Finn Pedersen allappoq.

Immaqa aamma eqqumiitsuliortup nammineq saqqummilaannginnera arajutsisimaneqarneranut patsisaasut ilagaat.

Grønlandsk kunst, Christian Rosing
Assilisaqarluni eqqumiitsuliortarneq Christian Rosingip ilisarnaatigaa
Knud Fl. Larsen

- Eqqumiitsuliortutut taasisarneq nuannarinngilaa, sulianilu suliatut taasarlugit. Suliani assassornertut suliatut isigisarpai, assassornerup kinguneranik naammassineqarsimasutut.

Atuagaq “Christian ‘Nûno’ Rosing – en kendt – ukendt kunstner” ilaatigut Nuummi atuagaarniarfimmi pisiarineqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER