Oqaatsit
Atuakkiani saqqummertuni kingullerni kukkunerit amerlavallaartut
Utoqqaat atuakkiortut Qaqortumeersut marluk Nunatsinni atuakkat saqqummersitat nutaajunersaat isornartorsiorpaat
Atuakkat misissorneqaqqissaarneqarnatik saqqummertalernerat naqinnerliukkanik ulikkaartarmata takuneqarsinnaapput.
75-inik ukiulik atuakkiortoq aamma taalliortoq Paulus Simonsen aamma 78-inik ukiulik taalliortoq Sofie Kielsen, tamarmik Qaqortumeersut oqarput. Taakkuli atuakkat sorliit pineqarnerinik taakkartuinngillat.
Atuaruk: Ilitsoqqussaralugu oqaatsit unnuat
Oqaatsit eqqorneqassapput
Paulus Simonsen aamma Sofie Kielsen isumaqarput, ukiuni kingulliunerusuni kalaallisut atuakkiat saqqummertartut kukkuneqarpallaarlutik atuaruminaatsunngortartut.
- Sumiorpaluutsit atorlugit saqqummersitaasarmata paasiuminaattarput. Siornatigut kalaallisut atuakkat saqquminnginnerani saqqummernissamut naleqqunnersut nalilersorneqartarput saqqummertussallu kukkunersiuisunik arlariiusunit misissoqqissaarneqartarlutik, Paulus Simonsen aamma Sofie Kielsen isornartorsiuinerminni erseqqissaapput.
Atuaruk: Oqaasiliortunut nunallu aqqinik aalajangiisartunut ilaasortat nutaat aajuku
Taakkua oqaatigaat oqaasitsinnik ataavartitsinissami kinguneqarnerluttussaasut.
- Ukiuni kingulliunerusuni kalaallisut atuakkiat saqqummertartut kukkunersiorneqanngittarpallaarnerisa kinguneraa, oqaatitsinillu ataavartitsinissami sunniunnerluttussaalernerat, Paulus Simonsen aamma Sofie Kielsen oqarput.
Atuaruk: Politikerit: Tusagassiuutit oqaatsinik nakkutilliisunit nakkutigineqarlik