Atuakkat
Atuakkat juullisiutit saqqummerseqqinneqarput
Internetikkut atuakkat Miilu aamma Nissi Nakuusameersut aaneqarsinnaanngorput
Ukioq kingulleq nuannarineqarluartut atuakkat Miilu aamma Nissi NAKUUSAmeersut akeqanngitsumik e-boginngorlugit aaneqarsinnaanngoqqipput. Nunatsinni meeqqat tamarmik nuannaarutigisinnaanngoqqippaat, taamaa meeqqat pisinnaatitaaffiinik suliaqartut nalunaarput.
- Meeqqat tamarmik toqqissisimanissamik pisinnaatitaaffeqarnerat oqaluttuaaqqani marlunni sammineqarput. Inersimasut atuakkat atorlugit misigissutsit nuannersut nuanniitsullu meeqqat peqatigalugit eqqartornissaannut isumassarsiorsinnaapput, NAKUUSA-mit nalunaarutigineqarpoq.
NAKUUSA malillugu inuit ilaasa misigissutsit eqqartornissaat ajornakusoortittarpaat, atuakkallu uku angajoqqaat meeqqallu isumassarsitinnerisigut ikiorsinnaaavaat. Atuakkap iluani pinnguaatinut assigiinngitsunut isumassarsiortoqarsinnaavoq.
Atuakkat meeqqanut pingasuniit arfinilinnut ukiulinut saaffiginnittuupput.
Atuakkat uani aaneqarsinnaapput: 'Miilu Nissilu ilagalugit juulli toqqissisimanartoq - misigissutsit takutillugit' aamma 'Miilu Nissilu ilagalugit juulli toqqissisimanartoq - ersinngitsuulluni.'