atuakkanik niuerneq
Atuagkat isumaat suli tassaavoq atuakkat
Atuakkanik Kalaallit Nunaannut aamma Issittumut tunngasunik atuakkanik Nunarsuarmi tuniniaasut annersaat ukiuni 50-ini atuussimalerpoq
Interneti atuakkallu tusarnaarneqarsinnaasut atugaaleraluttuinnarput, sulili amerlaqisugut atuakkamut naqitamut ilumoorfiginnippugut, taannami sumiikkaluaruttaluunniit allanngortinnagu tigummisinnaagatsigu, misigisinnaallugu atuarsinnaallugulu.
Atuakkanik Kalaallit Nunaannut Issittumullu tunngasunik kalaallisut, qallunaatut tuluttullu tuniniaasuni nunarsuarmi annerpaaq ateqarpoq Atuagkat. Kulturikkut oqaluttuarisaarnermut tunngasoq Nuup qeqqaniittoq taanna, sisamanngornermi maajip tallimaanni 50-inik ukioqalissaaq.
Ajornartorsiorneq maluginngikkaat
Kalaallit oqaluttualiatut atuakkiaat arlaleriarlutik siunissaqanngitsutut nalilerneqartarput, kalaallilli atuakkiaannik ajornartorsiortoqarnera Atuagkat malugisimanngilaat. Atuakkat tunineqarnerpaat 15-it allattorsimaffianni takuneqarsinnaasutut pisisartut Kalaallit Nunaanneersunik nutaarsiassanik suli perusuttarput.
Tunineqarnerpaat allattorsimaffianni atuakkiortut inuusuttut soorlu Niviaq Korneliussen aamma Sørine Steenholdt, Nunat Avannarliit atuakkiortunut nersornaasiuttagaannut aamma innersuunneqarsimasut tunisaqarluartarput.
Atuaruk: Nordisk Rådip atuakkanut nersornaataanut zombie atuagaq innersuunneqartoq
- Atuakkiornerup iluani kinguaariit nikinneranniippugut, pisisartuttalu tamanna malinnaaffigeqqissaarpaat, atuagaarniarfimmik piginnittut Dorthe aamma Claus Jordening Sermitsiamut oqarput.
Oqaatsinut tunnganngitsoq
Kalaallisut taalliat, oqaluttuaaraliat oqaluttualiallu tuniuminaatsuusut oqartoqakkajuttarpoq, taamali oqartoqartarnera Dorthe aamma Claus Jordeningip isumaqatiginngilaat.
- Oqaatsit sorliunersut apeqqutaanatik imarisaat apeqqutaasarput.
Atuakkiortooreersunit taallat katersat atuakkanut ilisivinni piffissami sivisunerusumi uningaannartaraluartut, inuusuttut atuakkiortut, pissutsinik toqqaannartumik oqaatiginnittartut soqutigineqartorujussuupput, taamaalillutik naliminni pissutsit oqaluttuarigaangamikkik tunisaqarluartarlutik.
Oqaasinnaatoqaq assip oqaatsinit tuusintinit oqaluttuarnerusarneranik oqariartuuteqartoq aamma oqaasiinnanngilaq: Atuakkat angisuut, inunnik Inuit Nunaanneersunik kusanartunik assitallit aamma pisiarineqarluartarput.
Atuaruk: Eqqumiitsuliortoq nersornaammut innersuunneqartoq
Allaaserisaq tamaat Nuuk Ugeavisimi atuaruk. Aviisi akeqanngitsumik uani ataani aasinnaavat: