Gaypride

Atuagaq nutaaq: Suiaqatiminnoortut inuunertik oqaluttuaraat

Gay Pride Nuummi juunip 14-at pissaaq

Gay Pride ukiut tallimassaa Nuummi juunip 14-at pissaaq

Suiaqatiminnoortut katerisimaarnerat Gay Pride ukiormanna Nuummi pilerpat atuakkamik saqqummersitsinermik malunnartinniarneqassaaq. Hjalmar Dahl atuakkiortuuvoq qulequtalimmik ’Inuugatta – Fordi vi lever’, taannalu juunip 14-at Gay Prideqarnerani saqqummersinneqassaaq.

Tallimassaa Gay Pride Nuummi pisussanngorpoq. Tamanna aallarnerlugu Nunatsinni kulturip illorsuata Katuap eqqaaniit ingerlaaqatigiittoqassaaq. Borgmester Asii Chemnitz Narup Inuit Ataqatigiinneersoq tikilluaqqusissaaq taamaasererpallu atuakkap ’Inuugatta – Fordi vi lever’p atuakkiortua Hjalmar Dahl oqaaseqarumaarpoq.

Nuannersut nuanniitsullu
- Hjalmar Dahl atuakkiamini taaguutilimmi ’... inuugatta’ suiaqatiminnik aappaqartartut apersorsimavai, tassanilu unneqqarillutik oqaluttuaat atuarneqarsinnaapput. Atuakkiortup politikkikkut, inatsisitigut kiisalu upperisarsiornikkut ilisimasai tunngavigalugit, nunatsinni suiaqatiminnik aappaqartartut atugaat eqqartorneqarput.’... inuugatta’ nunatsinni suiaqatiminnik aappaqartartut atugaat, nuannersut nuanniitsullu pillugit atuakkiaavoq, atuakkamik saqqummersitsisoq Milik Publishing nalunaarpoq..

Katerisimaarnermi taallanik atuaasoqarlunilu nipilersortoqarpoq.

Powered by Labrador CMS