Attaveqarneq: Kina Kalaallit Nunaanni sulilerusuppoq

Kinap naalagaaffiata entreprenøritut ingerlatseqatigiiffiisa ilaat Kalaallit Nunaanni mittarfinni nutaanik sanaartornermi neqeroornissamut tulluartut ilaattut toqqarneqarpoq. Sissueritsi, immikkut ilisimasallit arlaqartut mianersoqqusipput

Poorskinngitsiartoq Kalaallit Airportsit ingerlatseqatigiiffiit arfinillit neqeroornissaminnut tulluartutut toqqarpaat, qaammatini tulliuttuni Ilulissani, Nuummi Qaqortumilu mittarfinnik sananissami unammisinnaasutut.

Ingerlatseqatigiiffiit ilagaat Kinamiit China Communications Construction Company Kinap naalagaaffiata entreprenøritut ingerlatseqatigiiffiisa annerpaat Afrikami Europamilu suliaqarnerujartortut ilaat.

Immikkulli ilisimasallit tikkuarpaat Kalaallit Nunaanni Kinamiut ingerlatseqatigiiffiiannik suliakkiineq ajornartorsiutitaqarsinnaasoq. Taakku ilagaat Forsvarsakademimi pisortaq kontreadmiral Nils Wand Issittoq sillimaniarnermullu politikki pillugu annertuumik ilisimasalik oqarpoq.

– Naalagaaffeqatigiinnerup aaqqissuussaanera imaappoq suliassaqarfiit ilaat assersuutigalugu assartuussinermut attaveqaqatigiinnermullu politikki akisussaaffigineqalersimalluni, suliassaqarfilli soorlu illersornissamut, nunanut allanut sillimaniarnermullu politikki Danmarkimit isumagineqarluni. Tamatumani najoqqutarinaqarpoq sillimaniarnermut politikkit allatigut politikkeqarfinnit avissaartinneqarsinnaammata, Nils Wang oqarpoq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Powered by Labrador CMS