Mobildata

Attaveqaatit: Hallo - kinaana?

Tunumi innuttaasut attaveqarniarnikkut ajorpallaarnerat, Justus Hansenip (D) tupigusuutigaa.

- Ullut tamarluinnaasa oqaloqateqarnigut kiperiataartarput kingornalu attaveqaqqinnissaq ajornarsisarluni. Tunumi attaveqaatit kinguarsimanerannut tunngatillugu apeqquteqaammini ilaatigut taama nassuiaateqarpoq.

Inatsisartunut ilaasortatut aamma Kommuneqarfik Sermersuumi Kommunalbestyrelsimi ilaasortatut atorfimminut atatillugu Nuummiigaatsiartarpoq. Taamaattumik nammineq maluginikuuaa Nuummi Tunumilu illoqarfinni periarfissat qanoq assigiinngitsigisut.

Atuaruk: Tele-Postip mobilimik atuisut sukkanerusunik atugassaqartilerniarpai

- Ullut tamarluinnaasa oqaloqateqarnigut kiperiataartarput kingornalu attaveqaqqinnissaq ajornarsisarluni. Sianernigut allortarlugit sianeraangatta illuatungaani nipiliortoq kisiat tusaasaqarparput, Justus Hansen Naalakkersuisumut apeqquteqaammini paasissutissiivoq.

- Akuttunngitsumik minutsialuit arlallit ingerlareeraangata – ilaannikkut akunnerit arlallit – SMS/MMS/iMessage nassiussivigineqartumut aatsaat apuuttarpoq, Tunumi Kitaanilu attaveqaatit nikinganerujussuannut aaqqiissutissanik sunik pilersaaruteqarnersut Justus Hansen apeqquteqarpoq.

Powered by Labrador CMS