atornerluineq
Atornerluisunut katsorsartinnermik neqeroorutit pitsaanerusut
Peqqissutsimut naalakkersuisoq Doris Jakobsen (S) naapertorlugu, Naalakkersuisut imerajuttunut, aningaasanoorajuttunut aamma ikiaroorajuttunut pitsaanerusunik katsorsaanernik neqeroorutinik piareersaalerput
Danmarkimi Statens Institut for Folkesundhed Kalaallit Nunaanni innuttaasut peqqissusaannik misissuinikuuvoq, tassanilu kisitsisit ernumanartut takutinneqarput.
Tassami ukiut qulit kingulliit ingerlaneranni Nunatsinni imigassamik atornerluinermut, kinguaassiutitigut kanngutsaatsuliornermut tunngatillugu pitsanngoriartoqarpiarsimanngilaq, innuttaasullu tallimararterutaasa missaat imminut toqunnissaminnik aamma eqqarsarnikuupput.
Atuaruk: Nalunaarusiap nutaap takutippaa Nunatsinni pitsanngoriaateqarpianngitsoq
Katsorsaanermut neqeroorutit
Peqqissutsimut naalakkersuisoq Siumumeersoq Doris Jakobsen, dr.dk naapertorlugu kisitsisini appariaallattoqarnera nuannaarutigaa, kisiannilu kisitsisit ernumanartuunerarlugit.
- Atornerluineq sumiginnaanermik, meeqqat angerlarsimaffimmit peerneqarnerinik, siusinaarluni utoqqalinersiuteqarnermik, pisortanik pisartagaqarnermik, ilinniarsimannginnermik, sulinnginnermik, nakuusernermik, pinerluttuliornermik aamma ajutoornernik kinguneqartarpoq, dr.dk-mut oqarpoq.
Taanna naapertorlugu maanna imigassamik atornerluisunut, aningaasanoorajuttunut aamma ikiaroornartumik atornerluisunut Kalaallit Nunaanni katsorsaanermut pitsaanerusumik neqerooruteqarneq suliarineqaleruttorpoq.
Atuaruk: Imigassamik toqquteqartartut ukiuni kingullerni qulini 130-iupput
Inatsimmik allannguineq
Ilaqutariinnermut, Naligiissitaanermut Isumaginninnermullu naalakkersuisoq Martha Lund Olsen (S) dr.dk-mut oqarpoq, ajornartorsiut inatsimmik allanngortitsinikkut aaqqiiviginiarlugu sulissutigineqartoq, tamatuma kommunit meeqqanut inuusuttunullu iliuusissanut piumasaqaatit naammassinerusinnaanissaannut pitsanngorsaataassaaq.
Atuaruk: Nutaamik eqqarsartariaaseqarnissaq Meeqqat Illersuisuata ujartorpaa