atorfinitsitsisarneq
Atorfillit katitigaanerat IA-p allanngortinniarpaa
Namminersorlutik Oqartussani pisortanik atorfinitsitsinermut politikki Peter Olsenip ujartorpaa
Sapaatip akunnerani kingullermi allaaserisakkut ´Pisortat inissinneqarput´Sermitsiap oqaluttuaraa namminersorlutik oqartussani pisortanit qulinitd arfineq-pingasut qallunaatut oqaasiliusut, pisortallu kalaallisut oqaasillit marluinnaasut.
Tamanna Inuit Ataqatigiinnit Inatsisartunut ilaasortap Peter Olsenip allanngortinniarpaa.
Imaasiallaannaq ullormiit ullormut pinnani, anguniagalimmilli ilinniagaqartitsinermut atorfinitsitsinermullu politikkeqarnikkut, taamaasilluni ukiualuit ingerlanerani kalaallit pisortat amerliartortinneqassallutik.
Piukkunnaateqarnerpaat
– Nuannissagaluaqaaq ukiut qulit iluanni pisortat marluinnik oqaasillit 50 proncetinut immaqaluunniit 60 procentinut amerlisittuugutsigit, Peter Olsen Sermitsiamut oqarpoq.
– Kisiannili namminersorlutik oqartussat atorfinnut piukkunnarnerpaanik atorfinitsitsisartussaavoq?
– Aap soorunami, taamaatumillu pisortanik qallunaatut oqaasilinnit kalaallisut oqaasilinnut ikaarsaariarnissamut namminersorlutik oqartussat ilinniagaqarfiillu, pingaartumik uniersitetit, akornanni suleqatigiilluarnissaq pisariaqarpoq, Peter Olsen oqarpoq.
Pisortamik marluinnik oqaasilinnik ujartuinerminut IA-p tunngavilersuutai Sermitsiami normu 1-imi atuarukk. Aviisi pisiniarfimmi imaluunniit ataani linki atorlugu pisiarisinnaavat: