sammisaq
Atoqatigiittarneq paqumiginagu inuugit
Atoqatigiinneq pillugu AG saqqummersussani tulliuttuni sammisaqartassaaq
Atoqatigiinnermi ajornartorsiutigut eqqartorneqarneq ajorput. Taamaattussaanngikkaluarpoq. Oqallisigineqarneq ajortut ammarneqartariaqarput.
Johanne aamma Ulrik Olsen AG-mi sapaatip akunnerani uani saqqummersumi taama ilaatigut oqarput. Atoqatigiittarneq ammasumik oqallisigineqartassasoq kaammattuutigaat. Atoqatigiittarnermi pingaaruteqarpoq. Taamaattumik aamma ammasumik oqallisigineqarsinnaavoq, aappariit oqarput. Aviisimi saqqummersumi oqaluttuaasa sinneri atuarneqarsinnaapput.
Kinguaassiuutinik ilisimatusartoq Ulrikka Holm aamma AG-mit apersorneqarpoq. Kalaallit kulturiata pissutigisaanik atoqatigiinneq paqumigineqartartoq oqarpoq. Aammali tamakkuninnga oqalliseqarusunngitsut ataqqineqartariaqartut oqaatigalugu.
AG-imi saqqummersussami tulliani atoqatigiinneq pillugu aamma sammisaqaqqissaaq. Atoqatigiinnermut tunngatillugu oqaluttuassaqaruit, arlaannik tassunga tunngasumik isummersuuteqaruit immaqaluunniit atoqatigiittarneq pillugu allatassaqaruit mailimut jonna@ag.gl-imut nassiussisinnaavutit.
AG ataani pisiarineqarsinnaavoq