Friday, May 19, 2017 - 06:41

Atomimik nakkutilliisut pisortaata Nunarput nersoraa

Assi.: GME
Nunarsuarmiut uraminimik piiaanerminni pisarnerat Kalaallit Nunaata malikkumaaraa IAEA-mit naatsorsuutigineqarpoq

Det internationale atomenergiagenturip IAEA-p generaldirektøria Yukiya Amano Kalaallit Nunaannut maajip arfineq pingajuanniit qulingata tungaanut tikeraarpoq.

Tikeraarnera Naalakkersuisut IAEA-p 2016-imi septembarimi Wienemi 60-issaannik ataatsimeersuarneranut peqataaneranik aallaaveqarpoq tassani Kalaallit Nunaata isumaqatigiissutinut qitiusunut tunngatillugu oqartussaaffinik atorunnaarsitsineranut pappiaqqat generaldirektørimut tunniunneqarput. 

Yukiya Amanop tikeraarnermini Kalaallit Nunaanni oqartussaasut aatsitassanut qaqutigoortunut uranimullu piiaasoqalersinnaaneranut Kalaallit Nunaanni piareersarneq nersualaaraa IAEA-p nittartagaani atuarneqarsinnaavoq.

– Kalaallit Nunaanni oqartussaasut piiaalersinnaanermut atatillugu sillimaniarnermut toqqqissisimanermullu tunngasut pitsanngorsarniarlugit ilungersorlutik sulisimanerat tusarlugu nuannaarutigaara. 

Allaaserisaq Sermitsiaq aviisimi tamakkerlugu atuaruk:

Seneste nyheder / Nutaarsiassat kingulliit