akissarsititsineq

Atisanik ilusilersuisartut pilersitsisunut akissarsiaritinneqartartoq tunniunneqarpoq

Grønlandsbankenip Inuussutissarsiornermut Aningaasaateqarfiata Pilersitsisunut Akissarsiaritittagaa Hanne Kristiansenimut Dorthea Rødgaardimullu tunniunneqarpoq

Hanne Kristiansen, Dorthea Rødgaard, Kristian Lennert, Grønlandsbakens Erhvervsfond
ip Inuussutissarsiornermut Aningaasaateqarfiata Pilersitsisunut Akissarsiaritittagaa Hanne Kristiansenimut Dorthea Rødgaardimullu tunniunneqarpoq Grønlandsbanken

Grønlandsbankenip Inussutissarsiornermut Aningaasaateqarfiani siulersuisuni siulittaasup Kristian Lennertip Hanne Kristiansenimut Dorthea Rødgaardimullu akissarsiaq tunniuppaa. Taakku Inuit Quality Clothes of Greenland pilersitaraat.

- Arnat nukittuut marluk 2015-imi Inuussutissarsiornermut Aningaasaateqarfimminngaanniit akissarsisikkumavagut pikkorillutik, eqiasuillutik niuerniallaqqillutillu aallartitsisimammata Aasianni, Sisimiuni, Qaqortumi aammalu maanna Nuummi niuertarfimmi saniasigut atisaliaq maanna ilisarisimaneqarlualersimasoq Inuit Quality Clothes pilersillugu, akissarsititsinermut Kristian Lennert tunngaviliivoq. Tamanna bankip tusagassiutinut nalunaarutaani atuarneqarsinnaavoq.

- Inuit Quality Clothes pilersikkamikku arnat pineqartut marluk taakku saqqummiussimavaat nioqqutissiaq immikkuullarilluartoq annertuumik Kalaallit Nunaannut attuumassuteqartoq. Ilisarnaat kalaallit an-ersaavannik nutaamillu takutitsinermik ataatsimoortitsisoq, kusanarluinnartumik erseqqaarissumillu nit-tarsaanneqartoq avammut naqitanngorlugu ussassarutigineqarnera imaluunniit qarasaasiaq atorlugu attaveqaatitigut takoqqusaarutigineqarnera apeqqutaatinnagu, Kristian Lennert nangilluni oqarpoq.

Inussutissarsiornermut Aningaasaateqarfiup ukiuni kingullerni pilersitsisunut imaluunniit aallartitsisunut akissarsiaritittagaq agguaattarpaa inunnut ataasiakkaanut imaluunniit suliffeqarfinnut, ingerlatsinerminni sulilluarsimasunut, tunniusimalluarsimasunut aammalu malunnaatilimmik takutitsisimasunut – ukiullu ingerlanerini Kalaallit Nunaanni ingerlatsisut assigiinngitsuneersut inuussutissarsiutinillu ingerlatallit siammasissumik assigiinngisitaartumillu aallaaveqartut akissartitinneqartarsimapput.

Tunniunneqartoq 25.000 koruuninik aningaasartaqartinneqarpoq.

Powered by Labrador CMS