kommuninut qinersineq 2017
Atassutip siorasaarinera soqutigineqanngitsoq
Siverth K. Heilmannip Qeqqata Kommuniani borgmesterimut sinniisussaata aappaattut inissinneqarniannginnini pillugu marlunngormat siorasaarisimanini iluaqutiginavianngilaa.
Illuatungiliuttut oqartussaaffimmiititaqarnissaat piumasaqaataanngilaq, tamanna Kommunit aqunneqarnerat pillugu Inatsisartut inatsisiliaanni 2010-meersumi allaqqavoq.
Siumut aamma taama pineqarpoq
Annertussutsit imminnut naleqqiunnerata kisitsisinngorneranni oqartussaaffiit agguataarneranni tunngavilersuutigineqartarput. Qeqqata Kommunianilu kommunalbestyrelsinngortut amerlassusaannut sanilliutissagaanni oqartussaaffiit amerlanersaat suleqatigiinnut agguataarneqarsimapput taamaasilluni Atassutip ilaasortaatitaa oqartussaaffimmut ivertinneqarsimanani.
Kommuneqarfik Sermersuumi Siumut aamma taama pineqarpoq, tassani IA borgmesteriutitaqalerpoq borgmesterimulli sinniisussap aappaa aamma tigummineqarluni, suleqatigiittulli pingajuata Atassumminngaanneersoq borgmesterimut sinniisussanngortinneqarsimalluni.
Inatsit takujuk: d'Hondtsi malillugu periaaseq
Marlunngormat Siverth K. Heilmann, Sermitsiaq.AG-mut oqaatigaa illuatungiliuttut ileqqut maleruaqqusallu malillugit minnerpaamik borgmesterimut sinniisussaatitaqartussaasut imaluunniit sinniisussap aappaattut. Taamatulli oqaaseqartoqarnera inatsit malilugit ilumuunngilaq, oqartussaaffiimmi aggutaarneqarneranni d'Hondtsip periaasia malillugu oqartussaaffiit agguataarneqartarput.
Atuaruk: Taaguunneqarluarsimasoq kinguneqartitseriaannaasoq