Atassutip inissaq kingulleq pissarsiaraa

Inuit Ataqatigiit saniatigut ataatsimik ilaasortaatitaqarnissaminnut qaninnerpaasimapput

Atassutip Inatsisartuni inissaq kingulleq pissarsiaraa. Nunap iluani naalakkersuisoqarfiup immikkoortoqarfiani pisortaq, Klaus Georg Hansen, taama ilisimatitsivoq.

Aqqalu Jerimiassen naammattunik qinigaalluni ilaasortanngorpoq.

D'Hondtsip periusaanik taaneqartartoq malillugu ilaasorta tulleriaarnerat agguataarneqartarpoq.

Inuit Ataqatigiit saniatigut ataatsimik ilaasortaatitaqarnissamut qaninnerpaasut, naatsorsuinerup takutippaa. Taasinerit 50-t missaat assigiinngissutaapput.

Inuit Ataqatigiit saniatigut ataatsimik ilaasortaatitaqalersimagaluarunik qulingiluanik ilaasortaatitaqalissagaluarput, Siumup ilaasortaatitaat taama amerlassuseqarput.

Powered by Labrador CMS